టాలీవుడ్ సీనియర్ నిర్మాత అల్లు అరవింద్ సమర్పణలో జీఏ 2 పిక్చ‌ర్స్‌ బ్యానర్ మీద బన్నీ వాస్‌, విద్యా కొప్పినీడి, నార్నే నితిన్, అంజి కె.మ‌ణిపుత్ర కాంబినేషన్‌లో రూపొందుతోన్న ఫన్ ఎంటర్టైనర్ ‘ఆయ్’ చిత్రం ట్రైలర్ రిలీజ్ కి ముహూర్తం కుదిరింది. ఈ సినిమా ట్రైలర్ ని రేపు పిఠాపురం లో ఘనంగా నిర్వహించనున్నారు చిత్ర యూనిట్. పవర్ స్టార్ పవన్ కళ్యాణ్ గారు ప్రాతినిధ్యం వహిస్తున్న పిఠాపురం నియోజకవర్గం లో మొదటిసారిగా ఒక సినిమా కి సంబందించిన ఫంక్షన్ జరగనుండటం విశేషం.
అక్కడి జనసేన పార్టీ నాయకులు మర్రెడ్డి శ్రీనివాసరెడ్డి గారితో పాటు, పిఠాపురం తెలుగు దేశం పార్టీ ఇంచార్జ్ ఎస్వీ ఎస్ ఎన్ వర్మ గారు ‘ఆయ్’ ట్రైలర్ లాంచ్ ఈవెంట్ కి ముఖ్య అతిథులుగా విచ్చేయనున్నారు. ఎనర్జిటిక్ హీరో నార్నే నితిన్, నయన్ సారిక జంటగా నటిస్తున్న ఈ చిత్రం ద్వారా అంజి కె.మ‌ణిపుత్ర అనే నూతన దర్శకుడు చిత్ర సీమకి పరిచయం కానున్నారు. ఇప్పటికే ఈ చిత్రానికి సంబందించిన కంటెంట్ ప్రచార మాధ్యమాల్లో ప్రేక్షకులని విపరీతంగా ఆకట్టుకున్నాయి.
గోదావ‌రి బ్యాక్ డ్రాప్‌లో హృద‌యానికి హ‌త్తుకునేలా మ‌న‌సారా న‌వ్వుకునేలా రూపొందిన ఈ ఫన్ ఎంటర్టైనర్ ప్రేక్ష‌కుల‌ను కచ్చితంగా అలరిస్తుందని చిత్ర యూనిట్ ఆశాభావం వ్యక్తం చేసింది. ‘ఆయ్’ సినిమాకు కిరణ్ కుమార్ మన్నె ఆర్ట్ డైరెక్టర్ కాగా, సమీర్ కళ్యాణి సినిమాటోగ్రాఫర్‌గా పని చేస్తున్నారు. రామ్ మిర్యాల ఈ సినిమాకి సంగీతం అందిస్తుండగా ఇండిపెండెన్స్ డే సందర్భంగా, ‘ఆయ్’ చిత్రం ప్రపంచవ్యాప్తంగా ఆగస్టు 15 న విడుదల చేస్తున్నారు.