డాషింగ్ డైరెక్టర్ పూరి జగన్నాథ్ మరియు రామ్ పోతినేని కాంబినేషన్ లో వస్తున్న మాస్ యాక్షన్ ఎంటర్టైనర్ డబుల్ ఇస్మార్ట్. ఈ చిత్రం ఇస్మార్ట్ శంకర్ కి సీక్వెల్ గా తెరకెక్కుతోంది. ఆగస్టు 15 వ తేదీన పాన్ ఇండియా బాషల్లో రిలీజ్ కాబోతున్న ఈ క్రేజీ ప్రాజెక్ట్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజ్ డేట్ దగ్గర పడుతుండటంతో మేకర్స్ ప్రీ రిలీజ్ ఈవెంట్ ను ప్లాన్ చేసి, ట్రైలర్ ను లాంఛ్ చేశారు.
ఈ వేడుకలో రామ్ పోతినేని మాట్లాడుతూ పలు ఆసక్తికర విషయాలు వెల్లడించారు. ఇస్మార్ట్ శంకర్ చిత్రం ఎలా స్టార్ట్ అయ్యింది అనేది చెప్పుకొచ్చారు. ఈ పాత్ర గురించి డీసెంట్ గా చెప్పాలి అంటే, ఆడొక మెంటల్ మాస్, మ్యాడ్నెస్ అని రామ్ పేర్కొన్నారు. అదే విధంగా ఒక మెంటల్ మాస్ మ్యాడ్నెస్ ఉన్న క్యారెక్టర్ తో కిక్ యాస్ స్క్రిప్ట్ ఉంటే ఎలా ఉంటుందో, అది డబుల్ ఇస్మార్ట్ అని తెలిపాడు. ఈ చిత్రం స్క్రిప్ట్ వర్క్ కోసం పూరి చాలా ఎక్కువ సమయం ను తీసుకున్నారు అని రామ్ పేర్కొన్నారు. కావ్య థాపర్, సంజయ్ దత్, అలీ కీలక పాత్రల్లో కనిపించనున్న ఈ చిత్రానికి మెలోడీ బ్రహ్మ మణిశర్మ సంగీతం అందిస్తున్నారు.