మ్యాన్ ఆఫ్ మాసెస్ జూ.ఎన్టీఆర్ న‌టిస్తున్న లేటెస్ట్ సెన్సేష‌నల్ మూవీ ‘దేవ‌ర’ కోసం అభిమానులు ఏ రేంజ్ లో వెయిట్ చేస్తున్నారో అంద‌రికీ తెలిసిందే. ఈ సినిమాను ద‌ర్శ‌కుడు కొర‌టాల శివ డైరెక్ట్ చేస్తుండ‌టంతో ఈ సినిమా బాక్సాఫీస్ ద‌గ్గ‌ర ఎలాంటి విధ్వంసం సృష్టిస్తుందా అని అభిమానులు ఆస‌క్తిగా ఎదురుచూస్తున్నారు. ఇక ఈ సినిమా నుంచి రెండో సింగిల్ సాంగ్ నేడు రిలీజ్ కానున్న సంగ‌తి తెలిసిందే.

ఈ సాంగ్ అనౌన్స్ మెంట్ వ‌చ్చిన ద‌గ్గ‌ర్నుంచి మేక‌ర్స్ వ‌రుసగా అప్డేట్స్ ఇస్తూ సోషల్ మీడియాలో సంద‌డి చేస్తున్నారు. ఈ పాట ఓ రొమాంటిక్ మెలోడీగా రానుందని మేక‌ర్స్ ఇప్ప‌టికే రివీల్ చేశారు. ”చుట్ట‌మ‌ల్లె” అనే చ‌ర‌ణంతో సాగే ఈ పాట‌కు సంబంధించి తాజాగా మ‌రో కొత్త పోస్ట‌ర్ ను రిలీజ్ చేశారు. ఈ పోస్ట‌ర్ లో ఎన్టీఆర్, జాన్వీ క‌పూర్ లు క్యూట్ అండ్ రొమాంటిక్ గా ఉండ‌టంతో అభిమానులు ఈ పాట కోసం మరింత ఆతృత‌గా చూస్తున్నారు.

అనిరుధ్ ర‌విచంద‌ర్ సంగీతం అందిస్తున్న ఈ పాట‌ను రామ‌జోగ‌య్య శాస్త్రి ర‌చించారు. ఇక ఈ సాంగ్ ను నేడు సాయంత్రం 5.04 గంట‌ల‌కు రిలీజ్ చేయ‌నున్నారు. ఈ పాట అభిమానుల‌ను ఎంత‌లా ఆక‌ట్టుకుంటుందో చూడాలి. ఇక ఈ సినిమాను సెప్టెంబ‌ర్ 27న ప్ర‌పంచవ్యాప్తంగా గ్రాండ్ రిలీజ్ చేసేందుకు మేక‌ర్స్ రెడీ అయ్యారు.