తమిళ హీరో కార్తీ న‌టించిన యాక్ష‌న్ ఎంట‌ర్టైన‌ర్ మూవీ ‘స‌ర్దార్’ బాక్సాఫీస్ ద‌గ్గ‌ర మంచి విజ‌యాన్ని అందుకుంది. ఈ సినిమాను ద‌ర్శ‌కుడు పిఎస్.మిత్ర‌న్ తెర‌కెక్కించిన తీరు అభిమానులను అల‌రించ‌డంలో స‌క్సెస్ అయ్యింది. ఈ సినిమాకు త‌మిళ్ తో పాటు తెలుగులోనూ మంచి విజయం ద‌క్కింది. ఇప్పుడు ఈ సినిమాకు సీక్వెల్ గా ‘స‌ర్దార్-2’ చిత్రాన్ని రూపొందిస్తున్నారు.

ఇప్పటికే ఈ సినిమాను అనౌన్స్ చేసిన మేక‌ర్స్, ఈ సినిమా నుంచి వ‌రుస‌గా క్యాస్టింగ్ అప్డేట్స్ ఇస్తున్నారు. ఇటీవ‌ల ఈ సినిమాలో అందాల భామ మాళ‌వికా మోహ‌న‌న్ న‌టిస్తున్న‌ట్లుగా మేక‌ర్స్ వెల్ల‌డించారు. తాజాగా ఈ సినిమాలో మ‌రో బ్యూటీ అషికా రంగ‌నాథ్ కూడా న‌టిస్తున్న‌ట్లు వారు తెలిపారు. నేడు ఆమె పుట్టిన‌రోజు సంద‌ర్భంగా ఓ స్పెష‌ల్ పోస్ట‌ర్ తో ఈ విష‌యాన్ని రీవీల్ చేశారు.

ఈ సినిమాలో అమ్మడి పాత్ర ఏమై ఉంటుందా అనే ఆస‌క్తి అభిమానుల్లో నెల‌కొంది. ఇక ఈ సినిమాలో మ‌రోసారి విల‌క్ష‌ణ‌మైన గెట‌ప్ లో కార్తీ ఆడియెన్స్ ను మెస్మ‌రైజ్ చేయ‌నున్నాడ‌ని చిత్ర యూనిట్ చెబుతోంది. ఈ సినిమాలో వర్సటైల్ స్టార్ ఎస్.జె.సూర్య కీల‌క పాత్ర‌లో న‌టిస్తున్నాడు.