డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కిన ‘డబుల్ ఇస్మార్ట్’ ఆగస్టు 15వ తేదీన గ్రాండ్ గా రిలీజ్ కాబోతుంది. ట్రైలర్ బాగుండటంతో ఈ సినిమా పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఐతే, ట్రైలర్ లో అలీ గెటప్ ప్రత్యేకంగా కనిపించింది. సహజంగా పూరీ జగన్నాథ్ సినిమాలో అలీ ఓ ప్రత్యేక క్యారెక్టర్ లో కనిపిస్తూ ఉంటాడు. పూరి – అలీ కలయికలో వచ్చిన ఇడియట్, పోకిరి, చిరుత, దేశముదురు వంటి సినిమాల్లో అలీ పాత్రలు బాగా హిట్ అయ్యాయి కూడా.
ఇప్పుడు ‘డబుల్ ఇస్మార్ట్’లో కూడా అలీ గెటప్ అండ్ సెటప్ సినిమాకే హైలైట్ గా ఉంటుందని.. ఏలియన్ స్టైల్ లో అలీ పాత్రను స్పెషల్‌గా డిజైన్ చేశారని తెలుస్తోంది. ఇక ఈ సినిమాలో కావ్య థాపర్, బాలీవుడ్ నటుడు సంజయ్ దత్ లు కీలక పాత్రల్లో కనిపించనున్నారు. పూరీ ఎక్కువ సమయం తీసుకుని ఈ స్క్రిప్ట్ రాశాడు. మరి కమర్షియల్ గా ఈ సినిమా ఏ రేంజ్ విజయం సాధిస్తోందో చూడాలి.