పవర్‌ స్టార్ పవన్ కళ్యాణ్ – హాస్యనటుడు అలీ మధ్య మంచి స్నేహం ఉండేది. ఐతే, రాజకీయాలు కారణంగా వారిద్దరి మధ్య గ్యాప్ వచ్చింది. ఇప్పుడు ఆ గ్యాప్ తగ్గేలా కనిపిస్తోంది. పవన్, యంగ్ డైరెక్టర్ సుజిత్ దర్శకత్వంలో తెరకెక్కుతున్న యాక్షన్ ఎంటర్టైనర్ ఓజీలో నటిస్తున్న సంగతి తెలిసిందే. ఈ సినిమాలో అలీ ఓ ప్రత్యేక క్యారెక్టర్ లో కనిపిస్తాడట. పవన్ – అలీ కలయికలో వచ్చే సీన్స్ చాలా ఎంటర్ టైన్ గా ఉంటాయని తెలుస్తోంది.
కాగా ఈ చిత్రం లో ప్రియాంక మోహన్ హీరోయిన్ గా నటిస్తుండగా, ఇమ్రాన్ హష్మీ, అర్జున్ దాస్ తదితరులు కీలక పాత్రల్లో నటిస్తున్నారు. ఈ చిత్రం డివివి ఎంటర్ టైన్మెంట్ పై డివివి దానయ్య నిర్మిస్తున్నారు. ఈ చిత్రానికి మ్యూజికల్ సెన్సేషన్ థమన్ సంగీతాన్ని అందిస్తున్నాడు. పార్ట్-1 రిలీజ్ తర్వాత రెండో పార్ట్ కూడా ఉండే అవకాశం ఉంది. ఈ సినిమాలో పవన్ కళ్యాణ్ గ్యాంగ్ స్టర్ గా నటిస్తున్నారు.