మాస్ యాక్షన్ ఎంటర్టైనర్ లకి కేరాఫ్ అడ్రస్ గా మారిపోయిన డాషింగ్ డైరెక్టర్ పూరీ జగన్నాథ్ తదుపరి డబుల్ ఇస్మార్ట్ చిత్రంతో ఆడియెన్స్ కి ఫుల్ కిక్ ఇచ్చేందుకు రెడ్డి అవుతున్నాడు. రామ్ ఎనర్జిటిక్ పెర్ఫార్మెన్స్ తో మరోసారి తన మ్యాడ్నెస్ ను ఈ చిత్రంలో చూపించబోతున్నాడు. ఆగస్టు 15 వ తేదీన రిలీజ్ కి రెడీ అయిపోయిన ఈ చిత్రం ట్రైలర్ ను నిన్న విడుదల చేయగా, సాలిడ్ రెస్పాన్స్ తో దూసుకు పోతుంది.
ఈ ట్రైలర్ 24 గంటల్లో 12 మిలియన్స్ కి పైగా వ్యూస్ ను సొంతం చేసుకోగా, 250కే కి పైగా లైక్స్ ను రాబట్టింది. ఇది మాస్ రెస్పాన్స్ అని చెప్పాలి. సినిమా కోసం ఆడియెన్స్ ఎంతగా ఎదురు చూస్తున్నారు అనేది, ఈ రెస్పాన్స్ ను చూసి చెప్పవచ్చు. బాలీవుడ్ స్టార్ యాక్టర్ సంజయ్ దత్, గార్జియస్ హీరోయిన్ కావ్య థాపర్ లు కీలక పాత్రల్లో నటిస్తుండగా, మెలోడీ బ్రహ్మ మణిశర్మ మరోసారి అధ్బుతమైన సంగీతం అందించారు.