టాలీవుడ్ లో దసరా చిత్రంతో మంచి గుర్తింపు తెచ్చుకున్న నిర్మాణ సంస్థ SLV సినిమాస్. ఈ నిర్మాణ సంస్థ తాజాగా సోషల్ మీడియా వేదికగా ఒక ఇంట్రెస్టింగ్ పోస్ట్ ను షేర్ చేసింది. తమ ప్రొడక్షన్ 8 కి సంబందించిన వివరాలను ఆగస్టు 6 ఉదయం 11:11 గంటలకు వెల్లడించనున్నట్లు పేర్కొంది. ఇదే విషయాన్ని పోస్టర్ ద్వారా ప్రకటించారు. అయితే ఈ ప్రాజెక్ట్ పై ఇప్పుడు అందరిలో ఆసక్తి నెలకొంది.

ఈ ప్రొడక్షన్ హౌస్ దుల్కర్ సల్మాన్, నాని మరియు నాగ శౌర్య లతో సినిమాలను దాదాపు కన్ఫర్మ్ చేసుకుంది. అయితే ఈ ప్రాజెక్ట్ ఏ హీరోది అయ్యి ఉంటుంది అనే దానికోసం అంతా ఆసక్తిగా ఎదురుచూస్తున్నారు. హీరో నాని లేదా దుల్కర్ సల్మాన్ ది అయ్యే అవకాశం ఉందని సమాచారం. ఇందుకు సంబంధించిన మరిన్ని వివరాలు మేకర్స్ నిర్ణయించిన ఆగస్టు 6 వ తేదీన వెల్లడి కానున్నాయి.