ఎనర్జిటిక్ స్టార్ రామ్ హీరోగా నటించిన ఇస్మార్ట్ శంకర్ ఫ్యాన్స్ కి మాంచి కిక్ ఇచ్చింది. ఈ చిత్రానికి సీక్వెల్ గా డబుల్ ఇస్మార్ట్ తెరకెక్కింది. ఆగస్టు 15 వ తేదీన థియేట్రికల్ రిలీజ్ కి రెడీ అయినపోయిన ఈ చిత్రం ప్రమోషన్స్ ను టీమ్ ఇప్పటికే షురూ చేసింది. ప్రమోషన్స్ లో భాగంగా హీరో రామ్ తో గెటప్ శ్రీను మరియు కావ్య థాపర్ లకి సంబందించిన ఒక చిట్ చాట్ సెషన్ త్వరలో రిలీజ్ కానుంది. ఇదే విషయాన్ని మేకర్స్ సరికొత్త పోస్ట్ లో వెల్లడించారు.
అంతేకాక రామ్, గెటప్ శ్రీను, కావ్య థాపర్ లు ఉన్న ఫోటోను షేర్ చేశారు. ఆటోలో రామ్ కూర్చోని ఉన్న స్టిల్ మాత్రమే బాగా ఆకట్టుకుంటుంది. ఇస్మార్ట్ శంకర్ చిత్రంలో గెటప్ శ్రీను ఒక కీలక పాత్రలో కనిపించారు. ఈ చిత్రంలో కూడా అదే రేంజ్ లో పాత్ర ఉండే అవకాశం ఉంది. ఇక ఈ చిత్రం కోసం బాలీవుడ్ నటుడు సంజయ్ దత్ ను విలన్ గా రంగంలోకి దింపాడు దర్శకుడు పూరీ జగన్నాథ్. మెలోడీ బ్రహ్మ మణిశర్మ సంగీతం అందిస్తున్న ఈ క్రేజీ ప్రాజెక్ట్ కోసం ఆడియెన్స్ ఎంతగానో ఎదురు చూస్తున్నారు.