మెగా డాటర్ నిహారిక కొణిదెల నిర్మాతగా వ్యవహరిస్తున్న కమిటీ కుర్రోళ్ళు ఆగస్టు 9 వ తేదీన రిలీజ్ కానుంది. ఇప్పటికే ఈ చిత్రం ప్రచార చిత్రాలకి ప్రేక్షకుల నుండి మంచి రెస్పాన్స్ వచ్చింది. ఈ చిత్రం ప్రీ రిలీజ్ ఈవెంట్ చాలా గ్రాండ్ గా జరిగింది. వరుణ్ తేజ్, సాయి దుర్గ తేజ్, అడివి శేష్ లు గెస్ట్ లుగా హాజరు కాగా, నాగ బాబు కూడా ఈ ఈవెంట్ కి వచ్చారు. ఈ కార్యక్రమంలో నాగ బాబు చేసిన కామెంట్స్ మరోసారి హాట్ టాపిక్ గా మారాయి.
మెగా ఫ్యామిలీ, వీళ్ళు తప్ప ఇంకెవరూ ఉండరు, కొంతమంది ఫ్యామిలీస్ మీద కూడా ఇలాంటి పనికి మాలిన మాటలు మాట్లాడే వారిని చాలా మందిని చూశాం. మాకు అలాంటి ఫీలింగ్ లేదు. సినిమా ఇండస్ట్రీ మా అబ్బ సొత్తు కాదు. మా నాన్న సామ్రాజ్యం కాదు. మా తాత సామ్రాజ్యం కాదు. అలాగే అక్కినేని ఫ్యామిలీనో, నందమూరి ఫ్యామిలీనో కాదు…అందరిదీ. అడివి శేష్ లాంటి ఎంతోమంది సినిమా బ్యాక్ గ్రౌండ్ లేకుండా రాణిస్తున్నారు. వాళ్ళ టాలెంట్ తో పైకి వచ్చారు అంటూ చెప్పుకొచ్చారు. సినిమా ఇండస్ట్రీ గురించి చేసిన ఈ కామెంట్స్ సోషల్ మీడియాలో వైరల్ గా మారాయి.