మాస్ కా దాస్ విశ్వ‌క్ సేన్ ప్ర‌స్తుతం సెలెక్టివ్ గా సినిమాలు చేస్తూ బిజీగా ఉన్నాడు. ఇప్ప‌టికే ”మెకానిక్ రాకీ” చిత్రాన్ని శ‌ర‌వేగంగా షూటింగ్ జ‌రుపుకుంటున్న విశ్వ‌క్, త‌న నెక్ట్స్ ప్రాజెక్ట్ గా ”లైలా” మూవీని అనౌన్స్ చేసిన సంగ‌తి తెలిసిందే. ఈ సినిమాలో విశ్వ‌క్ ఓ అమ్మాయి గెట‌ప్ లో క‌నిపించ‌నున్నాడు. ఇక ఈ సినిమా త‌రువాత త‌న నెక్ట్స్ ప్రాజెక్ట్ పై కూడా విశ్వ‌క్ తాజాగా ఓ సాలిడ్ అప్డేట్ ఇచ్చాడు.

విశ్వ‌క్ సేన్ కెరీర్ లో 13వ చిత్రంగా రానున్న కొత్త ప్రాజెక్ట్ ను ఆయ‌న తాజాగా అనౌన్స్ చేశాడు. ఈ సినిమాను శ్రీ‌ధ‌ర్ గంటా డైరెక్ట్ చేయ‌నున్నారు. ఈ మేర‌కు ఓ ప‌వ‌ర్ఫుల్ పోస్టర్ ను మేక‌ర్స్ రిలీజ్ చేశారు. ఈ పోస్ట‌ర్ ని బ‌ట్టి చూస్తే, ఇందులో విశ్వ‌క్ సేన్ ఓ పోలీస్ ఆఫీస‌ర్ పాత్ర‌లో న‌టించ‌బోతున్న‌ట్లుగా తెలుస్తోంది. ప‌వ‌ర్ఫుల్ యాక్ష‌న్ డ్రామాగా ఈ సినిమాను మేక‌ర్స్ రూపొందించ‌నున్నారు.

ఇక ఈ సినిమాను శ్రీ‌ల‌క్ష్మీ వెంక‌టేశ్వ‌ర సినిమాస్ బ్యానర్ పై సుధాక‌ర్ చెరుకూరి ప్రొడ్యూస్ చేయ‌నున్నారు. ఈ చిత్రానికి అజ‌నీష్ లోక్నాథ్ సంగీతం అందించ‌నున్నాడు. ఈ సినిమాకు సంబంధంచిన పూర్తి వివ‌రాలు త్వ‌ర‌లోనే వెల్ల‌డించ‌నున్నారు.