మాస్ రాజా రవితేజ అభిమానులు ఎప్పుడెప్పుడా అని ఎదురుచూస్తున్న మిస్టర్ బచ్చన్ ట్రైలర్ ఎట్టకేలకు రిలీజ్ అయ్యింది. దర్శకుడు హరీష్ శంకర్ ఈ సినిమా గురించి చెబుతున్న మాటలు.. ఈ సినిమాపై ఆయన ఎందుకంత కాన్పిడెంట్‌గా ఉన్నారో ఈ ట్రైలర్ చూస్తే అర్థమవుతోంది. హిందీలో తెరకెక్కిన ‘రెయిడ్’ అనే ఓ క్లాస్ సినిమాకు మాస్ అంశాలను జోడించి, పక్కా కమర్షియల్ ఎంటర్‌టైనర్‌గా ఆడియెన్స్‌ను ఇంప్రెస్ చేయొచ్చని ఈ ట్రైలర్ కట్‌తో హరీష్ శంకర్ ప్రూవ్ చేశారు.
తనదైన మాస్ స్వాగ్‌లో మాస్ రాజా రవితేజ మరోసారి పవర్‌ఫుల్ పర్ఫార్మెన్స్‌తో ప్రేక్షకులను థ్రిల్ చేయనున్నాడు. రవితేజని అభిమానులు ఎలా అయితే చూడాలని అనుకుంటున్నారో, హరీష్ శంకర్ అలానే చూపెట్టడంతో ఫ్యాన్స్ ఖుషీ అవుతున్నారు. ఇక సినిమాలోని మాస్ సీన్స్, రవితేజ చెప్పే పవర్‌ఫుల్ డైలాగ్స్‌కి అభిమానులు విజిల్స్ వేస్తున్నారు. పక్కా కమర్షియల్ ఎంటర్‌టైనర్ మూవీలో ఉండాల్సిన అన్ని అంశాలు ఈ ట్రైలర్ కట్‌లో కనిపిస్తున్నాయి. కామెడీతో పాటు రొమాంటిక్ సీన్స్‌ని కూడా ఈ ట్రైలర్‌లో చూపెట్టారు.
అటు అందాల భామ భాగ్యశ్రీ బొర్సె కూడా తన గ్లామర్‌తో యూత్‌ను ఆకట్టుకుంది. మిక్కీ జే మేయర్ బీజీఎం ఈ ట్రైలర్‌కి మేజర్ హైలైట్ అని చెప్పాలి. హరీష్ టేకింగ్, హీరో ఎలివేషన్స్‌తో ట్రైలర్ దద్దరిల్లిపోయింది. ఇక థియేటర్లలో అసలైన మాస్ జాతరను చూస్తారని మేకర్స్ ఈ ట్రైలర్‌తో చెప్పేశారు. పీపుల్ మీడియా ఫ్యాక్టరీపై టిజి.విశ్వ ప్రసాద్ ప్రొడ్యూస్ చేస్తున్న ఈ సినిమా వరల్డ్‌వైడ్‌గా ఆగస్ట్ 15న గ్రాండ్ రిలీజ్‌కి రెడీ అయ్యింది.
వీడియో కోసం ఇక్కడ క్లిక్ చేయండి