యంగ్ అండ్ ఎనర్జిటిక్ హీరో రామ్ పోతినేని, క్రేజీ డైరెక్టర్ పూరి జగన్నాథ్ కాంబినేషన్‌లో తెరకెక్కిన లేటెస్ట్ మూవీ ‘డబుల్ ఇస్మార్ట్’ ఆగస్టు 15న గ్రాండ్ రిలీజ్‌కి రెడీ అయ్యింది. ఈ సినిమాను పూర్తి మాస్ యాక్షన్ ఎంటర్‌టైనర్‌గా తెరకెక్కించడంతో ఈ సినిమా ప్రేక్షకులను ఖచ్చితంగా ఆకట్టుకుంటుందని మేకర్స్ ధీమా వ్యక్తం చేస్తున్నారు. ఇక ఈ సినిమా తాజాగా సెన్సార్ పనులు కూడా ముగించుకుంది.

సెన్సార్ బోర్డు డబుల్ ఇస్మార్ట్ చిత్రానికి ‘A’ సర్టిఫికెట్ జారీ చేసింది. ఈ సినిమాలో యాక్షన్ డోస్ ఎక్కువగా ఉండటం.. బోల్డ్ డైలాగులు కూడా ఉండటంతో ఈ చిత్రానికి A సర్టిఫికెట్ జారీ చేశారు. అయితే, ఈ సినిమాలోని కంటెంట్ మాస్ ఆడియెన్స్‌ను ఇంప్రెస్ చేసే విధంగా ఉంటుందని మేకర్స్ అంటున్నారు. ఈ చిత్రానికి 2 గంటల 42 నిమిషాల రన్‌టైమ్‌ను లాక్ చేసినట్లుగా తెలుస్తోంది. ఇక ఈ సినిమాలోని ట్విస్ట్ ఆడియెన్స్‌ను ఖచ్చితంగా థ్రిల్ చేస్తుందని వారు చెబుతున్నారు.

ఈ సినిమాలో అందాల భామ కావ్య థాపర్ హీరోయిన్‌గా నటిస్తోండగా బాలీవుడ్ నటుడు సంజయ్ దత్ విలన్‌గా నటిస్తున్నాడు. మణిశర్మ సంగీతం అందిస్తున్న ఈ సినిమాను పూరి కనెక్ట్స్ బ్యానర్‌పై పూరి జగన్నాధ్, ఛార్మి కలిసి ప్రొడ్యూస్ చేస్తున్నారు.