సినిమాల్లో తమ అభిమాన హీరోలు చేసే మ్యానరిజం, స్టైల్‌ని అభిమానులు అనుకరిస్తుంటారు. ఇక వారు చెప్పే డైలాగులను అభిమానులు కూడా చెబుతూ సంబరపడుతుంటారు. ఇలా కొన్ని డైలాగులు ట్రెండ్ సెట్ చేస్తుంటాయి. అయితే, కేవలం హీరోలు చెప్పే డైలాగులే కాకుండా సినిమాల్లో కొన్ని పాపులర్ డైలాగులు కూడా ట్రెండ్ సెట్టర్‌గా నిలుస్తాయి. అలాంటి వాటిలో కమెడియన్స్ చెప్పే డైలాగులు కూడా ఉంటాయి.

ఇలాంటి వాటిలో కమెడియన్ కృష్ణ భగవాన్ చెప్పిన ‘‘అబ్బా.. సాయిరాం’’ డైలాగ్ కూడా ఒకటి. మాస్ రాజా రవితేజ, దర్శకుడు శ్రీను వైట్ల కాంబినేషన్‌లో తెరకెక్కిన ‘దుబాయ్ శ్రీను’ మూవీలోని ఈ డైలాగ్ ఎంతటి ట్రెండ్ సెట్ చేసిందో అందరికీ తెలిసిందే. నిజానికి ఈ డైలాగ్‌ను మీమ్స్ లాగా వినియోగిస్తూ సోషల్ మీడియాలో చాలా పేజీలు ఉన్నాయి. అయితే, అసలు ఈ డైలాగ్ వెనుక కథ ఏమిటో చాలా తక్కువ మందికి తెలుసు.

నటుడు కృష్ణ భగవాన్ ఈ డైలాగ్‌కి సంబంధించిన ఆసక్తికర విషయాన్ని తాజాగా షేర్ చేసుకున్నారు. దుబాయ్ శ్రీను చిత్ర షూటింగ్ ముంబైలో జరిగినప్పుడు నిర్మాత కృష్ణ భగవాన్‌కి డబ్బులు ఇచ్చినప్పుడు ఆయన నోటి వెంట ‘అబ్బా.. సాయిరాం’ అనే మాట వచ్చిందని.. ఇది స్క్రిప్టులో లేకపోయినా, డైరెక్టర్ అప్పుడు యాడ్ చేశాడని ఆయన తెలిపారు. ఇలా అనుకోకుండా వచ్చిన ఓ డైలాగ్ ఇంత పాపులర్ అవుతుందని ఆయన అనుకోలేదట.

వీడియో కోసం ఇక్కడ క్లిక్ చెయ్యండి