కోలీవుడ్ తలైవర్, సూపర్ స్టార్ రజినీకాంత్ హీరోగా నటించిన రీసెంట్ చిత్రం “జైలర్” ఎంత పెద్ద హిట్ అయ్యిందో అందరికీ తెలిసిందే. గత ఏడాది రిలీజ్ కి వచ్చిన ఈ చిత్రం భారీ వసూళ్లు అందుకొని రజినీకాంత్ కెరీర్ లో సెన్సేషనల్ కం బ్యాక్ గా నిలిచింది. మరి తనతో పాటుగా మోహన్ లాల్, శివ రాజ్ కుమార్ లాంటి స్టార్స్ కూడా ఈ చిత్రంలో కనిపించగా దర్శకుడు నెల్సన్ దిలీప్ కుమార్ ఈ చిత్రాన్ని తెరకెక్కించారు.
అయితే ఈ సినిమాకి సీక్వెల్ కూడా ఉందని ఆల్రెడీ చెప్పిన సంగతి తెలిసిందే. ప్రముఖ కమెడియన్ యోగిబాబు కూడా జైలర్ 2 ఉందని తెలిపాడు. అయితే ఇప్పుడు జైలర్ 2 పై అధికారిక అనౌన్సమెంట్ రానుందా అన్నట్టు బజ్ వినిపిస్తుంది. మరి రేపు ఆగస్ట్ 10తో ఈ చిత్రం వచ్చి ఏడాది పూర్తవుతుంది. దీనితో ఈ చిత్రం మేకర్స్ నుంచి కానీ దర్శకుడు నుంచి కానీ పార్ట్ 2 పై ఏదొక క్లారిటీ రావచ్చని చెప్పాలి. మరి ఈ అవైటెడ్ అప్డేట్ వస్తుందో లేదో చూడాలి.