తెలుగు బిగ్ స్క్రీన్ దగ్గర చాలా రోజులు తర్వాత వచ్చిన స్టార్ హీరో రీ రిలీజ్ సినిమా “మురారి”. సూపర్ స్టార్ మహేష్ బాబు అలాగే దర్శకుడు కృష్ణ వంశీ కాంబినేషన్ లో వచ్చిన క్లీన్ ఫ్యామిలీ ఎంటర్టైనర్ గా అప్పట్లోని అదరగొట్టిన ఈ చిత్రం ఇప్పుడు మహేష్ పుట్టినరోజు కానుకగా వచ్చి ఇప్పుడు కూడా రెండో సారి దుమ్ము లేపింది. మరి తెలుగు రాష్ట్రాల్లో గ్రాండ్ గా రిలీజ్ కి వచ్చిన ఈ చిత్రం బుకింగ్స్ తోనే ముందు సాలిడ్ రెస్పాన్స్ ని అందుకుంది.
మరి ఇలా మొదటి రోజు రన్ ని కంప్లీట్ చేసుకోగా నైజాం ప్రాంతంలో అయితే ఆల్ టైం రికార్డు వసూళ్లు సెట్ చేసినట్టుగా తెలుస్తుంది. ఒక్క మొదటి రోజులోనే నైజాంలో పి ఆర్ నంబర్స్ ప్రకారం మురారి 2.9 కోట్లకి పైగా గ్రాస్ ని అందుకున్నట్టుగా ఇప్పుడు తెలుస్తుంది. దీనితో ఇది తెలుగులో ఏ సినిమాకి అయినా కూడా అత్యధికం అట. ఇలా ఈ క్లాస్ చిత్రం ఆల్ టైం రికార్డును సెట్ చేసింది. మొత్తానికి అయితే ఈ సినిమా రెస్పాన్స్ మాత్రం అదిరిపోయింది అని చెప్పాలి. ఇక ఈ చిత్రానికి మణిశర్మ సంగీతం అందించగా మహెష్ సరసన సోనాలి బింద్రే హీరోయిన్ గా నటించింది.