పాన్ ఇండియా రెబల్ స్టార్ ప్రభాస్ హీరోగా దర్శకుడు నాగ్ అశ్విన్ తో చేసిన లేటెస్ట్ సినిమా “కల్కి 2898 ఎడి” తో ఒక రీసౌండింగ్ హిట్ కొట్టిన సంగతి తెలిసిందే. ఇక ఈ సినిమా తర్వాత తన నుంచి రిలీజ్ కి వచ్చే సినిమా ఏదన్నా ఉంది అంటే అది దర్శకుడు మారుతీతో చేస్తున్న “ది రాజా సాబ్” అని చెప్పాలి. మరి ఈ చిత్రంని మేకర్స్ ఒక హారర్ ఫాంటసీ వండర్ గా ప్లాన్ చేస్తున్నట్టుగా ఫిక్స్ చేసిన సంగతి తెలిసిందే. అయితే తాజాగా సినిమా నిర్మాత టిజి విశ్వప్రసాద్ చేసిన కామెంట్స్ ఇప్పుడు వైరల్ గా మారాయి.
ది రాజా సాబ్ సినిమా అందరూ అనుకుంటున్నా దానికంటే చాలా పెద్ద సినిమా అని రాబోయే రోజుల్లో వచ్చే కంటెంట్ చూస్తే ఇది అందరికీ అర్ధం అవుతుంది అని తెలిపారు. అలాగే ఈ చిత్రం చాలా పార్ట్ వరకు గ్రాఫిక్స్ తోనే కనిపిస్తుంది అని ఇంకా చాలా అంశాలు సినిమాలో ఆశ్చర్యపరిచే విధంగా ఉంటాయని తాను తెలిపారు. దీనితో ప్రభాస్ ఫ్యాన్స్ కి మాత్రం ఈ సినిమాతో కూడా కేజ్రీ ట్రీట్ రాబోతుంది అని చెప్పాలి. ఇక ఈ చిత్రంలో మాళవిక మోహనన్ హీరోయిన్ గా నటిస్తుండగా థమన్ సంగీతం అందిస్తున్నాడు.