దర్శకధీరుడు రాజమౌళి – మహేష్ బాబు సినిమా ఎప్పుడు స్టార్ట్ అవుతుంది ? అంటూ మహేష్ ఫ్యాన్స్ ఎంతో ఆసక్తిగా ఎదురు చూస్తున్నారు. ఐతే, తాజాగా మ‌హేష్ జైపూర్ (రాజ‌స్థాన్‌) ట్రిప్ లో క‌నిపించారు. ముఖ్యంగా మహేష్ మేకోవ‌ర్ కి సంబంధించిన ఫోటోగ్రాఫ్స్ ప్రస్తుతం సోషల్ మీడియాలో వైరల్ అయ్యాయి. పూర్తిగా లాంగ్ హెయిర్ తో గడ్డంతో మహేష్ స్టైల్ గా క‌నిపించాడు. కాగా రాజమౌళి సినిమాలో మ‌హేష్ కొత్త లుక్ ఇదే అంటూ రూమర్స్ వినిపిస్తున్నాయి.

కానీ, ఈ వార్తల్లో ఎలాంటి వాస్తవం లేదని తెలుస్తోంది. రాజమౌళి సినిమాలో మహేష్ లుక్ రివీల్ కాకుండా ఉండటానికే, మహేష్ కావాలని గడ్డం పెట్టుకున్నారని తెలుస్తోంది. కాగా ఆఫ్రికా బ్యాక్‌ డ్రాప్‌ లో అడ్వెంచర్ థ్రిల్లర్‌ గా ఈ కథా నేపథ్యం సాగుతుందని తెలుస్తోంది. అన్నట్టు ఆ మధ్య విజయేంద్రప్రసాద్‌ ఈ సినిమా కథ గురించి ఓ ఇంటర్వ్యూలో చెబుతూ.. ‘నేను, రాజమౌళి ఇద్దరం దక్షిణాఫ్రికా నవలా రచయిత విల్బర్‌ స్మిత్‌ కు పెద్ద అభిమానులం. అందుకే ఆయన పుస్తకాల ఆధారంగానే ఈ సినిమా స్క్రిప్ట్ ను రాసే ప్రయత్నం చేశాను. కానీ రాజమౌళి మార్క్ స్క్రీన్ ప్లేనే ఉంటుంది అంటూ ఆయన చెప్పుకొచ్చారు. ఈ సినిమాకి కీరవాణి సంగీతం అందిస్తున్నారు.