విలక్షణ పాత్రలతో మెప్పించే నటుడు సత్యరాజ్ మెయిన్ లీడ్‌లో నటిస్తున్న చిత్రం ‘మై పర్ఫెక్ట్ హజ్బెండ్’ ఓ కంప్లీట్ ఫ్యామిలీ డ్రామాగా ప్రేక్షకులను అలరించేందుకు సిద్ధమైంది. ఈ సినిమాను తామిర డైరెక్ట్ చేశారు. ఇక ఈ సినిమాను ప్రముఖ ఓటీటీ ప్లాట్‌ఫామ్ డిస్నీప్లస్ హాట్‌స్టార్‌లో స్ట్రీమింగ్ చేయనున్నారు.
అయితే, ఈ సినిమా స్ట్రీమింగ్ డేట్‌తో పాటు ట్రైలర్‌ను కూడా రిలీజ్ చేశారు. ఈ సినిమాలో సత్యరాజ్‌తో పాటు సీత, రేఖ కూడా నటిస్తున్నారు. ఓ ఫ్యామిలీ డ్రామా మూవీగా ఇది ప్రేక్షకులను మెప్పించబోతుందని ఈ ట్రైలర్ చూస్తే అర్థమవుతోంది. ఇక ఈ సినిమాలో సత్యరాజ్ పర్ఫార్మెన్స్ ఆకట్టుకునేలా ఉంటుందని చిత్ర యూనిట్ ధీమా వ్యక్తం చేస్తోంది.
ఈ సినిమాలో వర్ష బొల్లమ్మ, రక్షణ, లివింగ్‌స్టన్, అజీద్ ఖలిక్, కృతికా మనోహర్, రాఘవి తదితరులు ఇతర ముఖ్య పాత్రల్లో నటిస్తున్నారు. ఈ సినిమాను ఆగస్టు 16 నుంచి స్ట్రీమింగ్ చేయబోతున్నట్లు డిస్నీప్లస్ హాట్‌స్టార్ తెలిపింది.
ట్రైలర్ కోసం ఇక్కడ క్లిక్ చేయండి