అందరూ ఎంతో ఆసక్తిగా ఎదురు చూస్తున్న మిస్టర్ బచ్చన్ చిత్రం రిలీజ్ కి కేవలం మూడు రోజుల సమయం మాత్రమే మిగిలి ఉంది. ఈ చిత్రాన్ని వీలైన అన్ని విధాలుగా ప్రమోట్ చేస్తున్నారు మేకర్స్. షాక్ మరియు మిరపకాయ్ చిత్రాల తరువాత వీరి కాంబినేషన్ లో వస్తున్న చిత్రం కావడంతో మామూలుగానే మిస్టర్ బచ్చన్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. చాలా క్లోజ్ గా ఉండే రవితేజ మరియు హరీష్ శంకర్ కాంబినేషన్ లో వస్తున్న ఈ చిత్రం గురించి ఇప్పటికే పలు ఆసక్తికర విషయాలు వెల్లడించారు దర్శకుడు హరీష్ శంకర్.
తాజాగా ఒక ఇంట్రెస్టింగ్ పోస్ట్ ను సోషల్ మీడియాలో షేర్ చేశాడు. మీరు పక్కనుంటే..ఆ ధైర్యమే వేరన్నయ్యా అని చెప్పుకొచ్చాడు. అయితే ఒక పవర్ ఫుల్ ఫోటోను ఈ పోస్ట్ లో పంచుకున్నాడు. మిస్టర్ బచ్చన్ సెట్స్ పై ఉన్న ఫోటో అని తెలుస్తుంది. హరీష్ తమ హీరోపై చూపిస్తున్న అభిమానం పట్ల ఫ్యాన్స్ సంతోషం వ్యక్తం చేస్తున్నారు. భాగ్యశ్రీ బోర్సే హీరోయిన్ గా నటించిన ఈ చిత్రానికి మిక్కీ జే మేయర్ సంగీతం అందించారు.