దర్శకుడు కార్తీక్ ఘట్టమనేని తెరకెక్కిస్తున్న “మిరాయ్” సినిమాలో తేజ సజ్జతో పాటు రాకింగ్ స్టార్ మంచు మనోజ్ కూడా నటిస్తున్న సంగతి తెలిసిందే. ఐతే, తాజాగా మనోజ్ పాత్ర పై ఓ యాక్షన్ సీక్వెన్స్ ను పూర్తి చేసినట్లు తెలుస్తోంది. మనోజ్ పాత్ర పరిస్థితులకు తగ్గట్టు రెండు వేరియేషన్స్ లో ఈ సీక్వెన్స్ ను షూట్ చేసినట్లు తెలుస్తోంది. ఈ సీక్వెన్స్ లో మనోజ్ లుక్స్ కూడా ఈ సినిమాలోనే హైలైట్ గా ఉంటాయట.
కాగా ఈ సినిమా మొత్తం మనోజ్ క్యారెక్టర్ చుట్టే తిరుగుతుందని.. పైగా మనోజ్ పాత్ర చాలా వైల్డ్ గా ఉంటుందని.. అందుకే ఈ పాత్రను కార్తీక్ ఘట్టమనేని చాలా బలంగా డిజైన్ చేశాడని టాక్. ఆ మధ్య మనోజ్ పుట్టినరోజు సందర్భంగా ఓ గ్లింప్స్ వీడియో రిలీజ్ చేసిన సంగతి తెలిసిందే. ఆ గ్లింప్స్ లో సాలిడ్ యాక్షన్ లుక్ లో.. కత్తి పట్టుకొని “ది బ్లాక్ స్వార్డ్” గా మనోజ్ హైలైట్ అయ్యాడు. అన్నట్టు ఈ చిత్రానికి గౌర హరీష్ నే సంగీతం అందిస్తుండగా పీపుల్ మీడియా ఫ్యాక్టరీ వారు నిర్మాణం వహిస్తున్నారు.