మిస్టర్ బచ్చన్ చిత్రం ఆగస్టు 14 వ తేదీన ప్రీమియర్ షోలతో ప్రేక్షకుల ముందుకి రాబోతోంది. మాస్ మహారాజ రవితేజ హీరోగా నటించిన ఈ చిత్రానికి దర్శకుడు హరీష్ శంకర్ దర్శకత్వం వహించారు. రిలీజ్ డేట్ దగ్గర పడుతున్న నేపథ్యంలో చిత్ర యూనిట్ ప్రీ రిలీజ్ ఈవెంట్ ను కర్నూల్ ప్రాంతంలో చాలా గ్రాండ్ గా నిర్వహించింది. ఈ ఈవెంట్ లో దర్శకుడు హరీష్ శంకర్ పలు ఆసక్తికర విషయాలు వెల్లడించారు.
ఈ చిత్రం కోసం ఎంతో శ్రమించిన తన రైటింగ్ డిపార్ట్ మెంట్ కి, డైరెక్షన్ డిపార్ట్ మెంట్ కి, ఇతర సాంకేతిక నిపుణులకి థాంక్స్ తెలిపారు. చిత్రం చాలా త్వరగా పూర్తి కావడానికి నిర్మాణ సంస్థ పీపుల్ మీడియా ఫ్యాక్టరీ వారు అందించిన మద్దతు గురించి వెల్లడించారు. అయితే ఈ వేడుక లో పూరి జగన్నాథ్ మరియు రామ్ పోతినేని చిత్రం డబుల్ ఇస్మార్ట్ మరియు తమ చిత్రం మిస్టర్ బచ్చన్ లు రెండూ కూడా బ్లాక్ బస్టర్ అవ్వాలని మనస్పూర్తిగా కోరుకున్నారు. ఇక హీరో మాస్ మహారాజ రవితేజ గురించి మాట్లాడుతూ, షాక్ చిత్రం ద్వారా తనకి దర్శకుడుగా జన్మని ఇస్తే, మిరపకాయ్ తో పునర్జన్మ ఇచ్చాడు అంటూ చెప్పుకొచ్చారు. మిస్టర్ బచ్చన్ టైటిల్ కూడా రవితేజనే ఫిక్స్ చేశాడు అని చెప్పిన హరీష్, తన ఓన్లీ హోప్ మాస్ మహారాజ రవితేజ అని అన్నారు.
భాగ్య శ్రీ బోర్సే హీరోయిన్ గా నటించిన ఈ చిత్రంలో జగపతి బాబు కీలక పాత్రలో నటించగా, మ్యూజిక్ డైరెక్టర్ మిక్కీ జే మేయర్ సంగీతం అందించారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
వీడియో కోసం ఇక్కడ క్లిక్ చెయ్యండి