యంగ్ అండ్ ఎనర్జిటిక్ హీరో రామ్ పోతినేని నటిస్తున్న తాజా చిత్రం ‘డబుల్ ఇస్మార్ట్’ మరో రెండు రోజుల్లో ప్రేక్షకులను అలరించేందుకు సిద్ధమైంది. ఈ సినిమాను దర్శకుడు పూరి జగన్నాధ్ డైరెక్ట్ చేయగా, ‘ఇస్మార్ట్ శంకర్’ చిత్రానికి ఇది సీక్వెల్‌గా తెరకెక్కింది. ఇక ఈ సినిమా పోస్టర్స్, టీజర్, ట్రైలర్, సాంగ్స్‌కు ట్రెమెండస్ రెస్పాన్స్ రావడంతో ‘డబుల్ ఇస్మార్ట్’ పై అంచనాలు భారీగా క్రియేట్ అయ్యాయి.
ఈ సినిమాకు సంబంధించిన డిస్ట్రిబ్యూషన్ డీల్ తాజాగా ముగిసినట్లుగా మేకర్స్ తెలిపారు. ఈ సినిమాను నైజాం ఏరియాలో ప్రైమ్‌షో ఫిలింస్ వారు రిలీజ్ చేస్తున్నారు. చాలా సంప్రదింపుల తరువాత ఈ చిత్రాన్ని ప్రైమ్‌షో వారు రిలీజ్ చేసేందుకు మేకర్స్ అంగీకరించినట్లుగా తెలుస్తోంది. ఇక ఈ సినిమా కోసం వారు భారీ రేటును కోట్ చేసినట్లుగా తెలుస్తోంది.
రామ్ పోతినేని ఊరమాస్ పర్ఫార్మెన్స్ ఈ సినిమాకు మేజర్ అట్రాక్షన్‌గా నిలవనుంది. అందాల భామ కావ్య థాపర్ ఈ సినిమాలో హీరోయిన్‌గా నటిస్తోండగా, బాలీవుడ్ నటుడు సంజయ్ దత్ ఈ చిత్రంలో విలన్‌గా నటిస్తున్నాడు. మణిశర్మ సంగీతం అందిస్తున్న ఈ సినిమాను పూరి కనెక్ట్స్ బ్యానర్‌పై పూరి జగన్నాధ్, ఛార్మీ ప్రొడ్యూస్ చేస్తున్నారు.