మ్యాన్ ఆఫ్ మాసెస్ జూ.ఎన్టీఆర్ ప్రస్తుతం ‘దేవర’ సినిమాతో బాక్సాఫీస్‌ను షేక్ చేసేందుకు సిద్ధమవుతున్నాడు. దర్శకుడు కొరటాల శివ డైరెక్షన్‌లో తెరకెక్కుతున్న ఈ సినిమాలో పవర్‌ఫుల్ పాత్రలో తారక్ అదిరిపోయే పర్ఫార్మెన్స్ ఇవ్వనున్నట్లు తెలుస్తోంది. ఇక ఈ సినిమా కోసం ఎన్టీఆర్ మాస్ లుక్‌లోకి మారిన సంగతి తెలిసిందే. అయితే, ఇప్పుడు సినిమా షూటింగ్ ముగింపుకు చేరుకోవడంతో, తారక్ తన లుక్‌ని కాస్త మార్చినట్లు తెలుస్తోంది.
తాజాగా ఆయన దేవర చిత్రానికి సంబంధించి తమిళ, కన్నడ భాషల డబ్బింగ్ పనులు చేస్తున్నారు. ఈ సందర్భంగా కన్నడ డైలాగ్ రైటర్ వరదరాజ్ ఎన్టీఆర్‌తో ఓ ఫోటో తీసుకుని సోషల్ మీడియాలో పోస్ట్ చేశారు. ఈ ఫోటోలో ఎన్టీఆర్ కొత్త లుక్‌తో కనిపించాడు. ఇక ఈ ఫోటో ప్రస్తుతం నెట్టింట తెగ వైరల్ అవుతోంది.
దేవర సినిమాను సెప్టెంబర్ 27న రిలీజ్ చేసేందుకు మేకర్స్ సిద్ధమవుతున్నారు. ఇక రీసెంట్‌గా దర్శకుడు ప్రశాంత్ నీల్‌తో ఎన్టీఆర్ తన కొత్త సినిమాను ప్రారంభించిన సంగతి తెలిసిందే. ఈ సినిమాతో పాటు బాలీవుడ్ యాక్షన్ మూవీ ‘వార్-2’లోనూ ఎన్టీఆర్ నటిస్తున్నాడు. ఇలా వరుస సినిమాలతో ఎన్టీఆర్ బిజీగా ఉన్నాడు.