అభిమానులు ఎప్పుడెప్పుడా అని ఎదురుచూస్తున్న మాస్ రాజా రవితేజ కొత్త చిత్రం ‘మిస్టర్ బచ్చన్’ మరికొద్ది గంటల్లో థియేటర్లలో రచ్చ చేసేందుకు సిద్ధమైంది. ఆగస్టు 15న ఈ సినిమాను ప్రపంచవ్యాప్తంగా గ్రాండ్ రిలీజ్ చేసేందుకు మేకర్స్ రెడీ అయ్యారు. అయితే, ఈ సినిమాను పెయిడ్ ప్రీమియర్స్‌గా నేడు సాయంత్రం నుంచే అభిమానులు చూసేయొచ్చు.
ఈ సినిమాకు ప్రేక్షకుల నుంచి భారీ క్రేజ్ ఏర్పడటంతో ప్రీమియర్ షోల సంఖ్య పెంచుతూ వస్తున్నారు. ఇప్పటికే మిస్టర్ బచ్చన్ మీద హైప్ నెక్ట్స్ లెవెల్‌లో క్రియేట్ కావడంతో ఏకంగా 101కి పైగా స్పెషల్ ప్రీమియర్ షోలు వేస్తున్నారు. ఈ ప్రీమియర్ షోలకు హౌజ్‌ఫుల్ బోర్డులు పడుతున్నట్లు మేకర్స్ వెల్లడించారు.
‘మిస్టర్ బచ్చన్’తో థియేటర్లలో మాస్ మేనియా షురూ అవుతుందని చిత్ర యూనిట్ కాన్పిడెంట్‌గా ఉన్నారు. ఇక ఈ సినిమాలో రవితేజ పాత్ర అల్టిమేట్‌గా ఉంటుందని.. మాస్ అభిమానులకు థియేటర్లలో పూనకాలు రావడం ఖాయమని మేకర్స్ చెబుతున్నారు. ఈ సినిమాలో అందాల భామ భాగ్యశ్రీ బొర్సె హీరోయిన్‌గా నటిస్తోండగా, జగపతి బాబు విలన్ పాత్రలో నటిస్తున్నాడు. ఈ చిత్ర సాంగ్స్‌కు సాలిడ్ క్రేజ్ దక్కింది. పీపుల్ మీడియా ఫ్యాక్టరీపై టి.జి.విశ్వప్రసాద్ ఈ సినిమాను ప్రొడ్యూస్ చేస్తున్నారు.