టాలీవుడ్ నటుడు నాని, ప్రియాంక మోహన్ ప్రధాన పాత్రల్లో, దర్శకుడు వివేక్ ఆత్రేయ దర్శకత్వంలో తెరకెక్కిన యాక్షన్ ఎంటర్టైనర్ సరిపోదా శనివారం. నాని మరో డిఫెరెంట్ కాన్సెప్ట్ తో ప్రేక్షకులను అలరించడానికి రెడీ అవుతున్నాడు. ఆగస్టు 29 వ తేదీన వరల్డ్ వైడ్ గా థియేటర్లలో రిలీజ్ కాబోతున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
ఈ చిత్రం నుండి మేకర్స్ ట్రైలర్ ను విడుదల చేసిన సంగతి తెలిసిందే. ఈ ట్రైలర్ ఆడియెన్స్ నుండి మంచి రెస్పాన్స్ ను సొంతం చేసుకుంది. 24 గంటల్లో 14 మిలియన్స్ కు పైగా వ్యూస్ వచ్చాయి. ఈ ట్రైలర్ ప్రస్తుతం యూట్యూబ్ లో టాప్ లో ట్రెండ్ అవుతోంది. జేక్స్ బెజోయ్ సంగీతాన్ని అందిస్తున్న ఈ చిత్రంలో విలక్షణ నటుడు ఎస్.జే. సూర్య కీలక పాత్రలో నటిస్తున్నాడు.