ప్రస్తుతం మన టాలీవుడ్ సూపర్ స్టార్ మహేష్ బాబు హీరోగా దిగ్గజ దర్శకుడు ఎస్ ఎస్ రాజమౌళి కాంబినేషన్ లో వరల్డ్ బాక్సాఫీస్ షేక్ అయ్యే భారీ సినిమా చేయనున్న సంగతి అందరికీ తెలిసిందే. మరి ఈ సినిమా ఎప్పుడప్పుడు మొదలవుతుందా అని అని అభిమానులు ఉత్కంఠగా ఎదురు చూస్తున్నారు. అయితే ఈ సినిమాకి ముందే ఓ హాలీవుడ్ సినిమా కోసం మహేష్ బాబు ఇప్పుడు వర్క్ చేయనున్నారని తెలుస్తుంది.
ప్రస్తుతం హాలీవుడ్ నుంచి రిలీజ్ కి రాబోతున్న అవైటెడ్ సినిమాల్లో లైవ్ మోషన్ కాప్చర్ చిత్రం “ముఫాసా” కూడా ఒకటి. డిస్నీ వారి “ది లయన్ కింగ్” (The Lion King) కి సంబంధించిన సినిమా ఇది కాగా ఈ సినిమా కోసం ప్రపంచ వ్యాప్తంగా ఆడియెన్స్ ఆసక్తిగా ఎదురు చూస్తున్నారు. మరి ఈ సినిమా కోసమే ఇప్పుడు మహేష్ బాబు వర్క్ చేయనున్నట్టుగా ఇపుడు తెలుస్తుంది.
లేటెస్ట్ అప్డేట్ ప్రకారం ఈ సినిమాలో ముఫాసా పాత్రకి గాను మహేష్ బాబు తన వాయిస్ ఓవర్ ని అందించనున్నట్టుగా ఇప్పుడు తెలుస్తుంది. మహేష్ గతంలో కూడా పలు చిత్రాలకి తన వాయిస్ ని అందించిన సంగతి తెలిసిందే. కానీ ఒక పాత్రకి అది కూడా సింహానికి తన వాయిస్ ఓవర్ ని అందించడం మొదటి సారి అని చెప్పొచ్చు. మరి ఇందులో ఇంకా ఎంతవరకు నిజముందో వేచి చూడాలి. లాస్ట్ టైం అయితే మన టాలీవుడ్ నుంచి చాలా మంది ప్రముఖులు లయన్ కింగ్ లో తెలుగు వెర్షన్ కి గాను డబ్బింగ్ చెప్పారు.