మన ఇండియన్ సినిమా దగ్గర హారర్ జానర్ లో కొన్ని సినిమాలకి సెపరేట్ క్రేజ్ ఉంటుంది అని చెప్పాలి. మరి వీటిలో అయితే మూవీ లవర్స్ “చంద్రముఖి” అనే సినిమా అంటే యిట్టె గుర్తు పట్టేస్తారు. సూపర్ స్టార్ రజినీకాంత్ అలాగే జ్యోతికల కాంబినేషన్ లో వచ్చిన ఈ చిత్రం తమిళ్ సహా తెలుగులో కూడా భారీ హిట్ అయ్యింది. కానీ ఈ చిత్రం ఒరిజినల్ కాదు దీన్ని కన్నడ చిత్రం “ఆప్తమిత్ర” కి రీమేక్ అని చాలా మందికి తెలుసు.
కానీ… ఇది కూడా ఒక రీమేక్ అని చాలా తక్కువ మందికి తెలిసి ఉంటుంది. మరి అసలు ఆ ఒరిజినల్ చంద్రముఖి ఎవరు? ఎక్కడ నుంచి పుట్టింది అంటే ఇది మొట్ట మొదటిగా మళయాళ సినిమాలో పుట్టింది. స్టార్ హీరో మోహన్ లాల్ అలాగే నటి శోభన కాంబినేషన్ లో వచ్చిన చిత్రమే “మణిచిత్రతాజు”. ఎప్పుడో 1993 లో దర్శకుడు ఫాజిల్ తెరకెక్కించిన ఈ చిత్రం నుంచే చంద్రముఖి, ఆప్తమిత్ర ఇలా ఎన్ని భాషల్లో అయితే అన్ని భాషల్లో కొత్త సినిమాలుగా రీమేక్ చేయబడ్డాయి.
మరి ఇప్పుడు ఫైనల్ గా అసలు సిసలైన చంద్రముఖి రీ రిలీజ్ కి రావడానికి సిద్ధం అయ్యింది. 4కే లో అప్డేట్ చేసి డాల్బీ అట్మాస్ మిక్స్ తో 31 ఏళ్ల తర్వాత ఈ చిత్రం ఇప్పుడు రీ రిలీజ్ కి మేకర్స్ తీసుకొస్తున్నారట. అయితే ఇంకా డేట్ ఎప్పుడు అనేది ఇంకా అనౌన్స్ కాలేదు కానీ ఒరిజినల్ సినిమాని చూడాలి అనుకునేవారు మాత్రం ఈ డేట్ కోసం ఆగాల్సిందే అని చెప్పాలి.