న్యాచురల్ స్టార్ నాని నటిస్తున్న తాజా చిత్రం సరిపోదా శనివారం ఈ నెలాఖరున రిలీజ్‌కి రెడీ అయ్యింది. దర్శకుడు వివేక్ ఆత్రేయ డైరెక్ట్ చేస్తున్న ఈ మాస్ యాక్షన్ ఎంటర్‌టైనర్ మూవీలో నాని పూర్తి మాస్ అవతారంతో రానున్నట్లు ఇప్పటికే రిలీజ్ అయిన ఈ చిత్ర టీజర్, ట్రైలర్ చూస్తే అర్థమయ్యింది.
ఇక ఈ సినిమాను పాన్ ఇండియా మూవీగా మేకర్స్ రిలీజ్ చేయబోతున్నారు. ఇందులో భాగంగా తాజాగా తమిళనాట ఈ చిత్ర ప్రమోషన్స్ షురూ చేశారు. కాగా, తమిళ మీడియా కోసం నేడు తమిళ ట్రైలర్‌ను లాంచ్ చేశారు. ఇక ప్రేక్షకుల కోసం సరిపోదా శనివారం (తమిళ్‌లో ‘సూర్యాస్ సాటర్డే’) ట్రైలర్‌ను రేపు లాంచ్ చేయబోతున్నట్లు మేకర్స్ అఫీషియల్‌గా అనౌన్స్ చేశారు.
ఈ సినిమాలో అందాల భామ ప్రియాంక మోహన్, వెర్సటైల్ యాక్టర్ ఎస్.జె.సూర్య ఇతర ముఖ్య పాత్రల్లో నటిస్తున్నారు. ఈ సినిమాను డివివి ఎంటర్‌టైన్‌మెంట్స్ బ్యానర్‌పై డివివి దానయ్య ప్రొడ్యూస్ చేస్తున్నారు. జేక్స్ బిజాయ్ ఈ చిత్రానికి సంగీతం అందిస్తున్నారు.