ట్యాలెంటెడ్ హీరో కిరణ్ అబ్బవరం నటిస్తున్న తాజా పాన్ ఇండియా చిత్రం ‘క’ ఇప్పటికే ప్రేక్షకుల్లో సాలిడ్ బజ్‌ని క్రియేట్ చేసింది. ఈ సినిమాకు వెరైటీ టైటిల్ పెట్టినప్పుడే ఈ సినిమాపై అంచనాలు మొదలయ్యాయి. ఇక ఈ మూవీ టీజర్ ఈ సినిమాపై అంచనాలను అమాంతం పెంచేసింది.
దీంతో ‘క’ సినిమాను ఎప్పుడెప్పుడు చూద్దామా అని ప్రేక్షకులు ఎంతో ఆసక్తిగా చూస్తున్నారు. ఇక ఈ సినిమాలో కిరణ్ అబ్బవరం సరికొత్త గెటప్‌లో కనిపిస్తుండటంతో ఆయన ఈ సినిమాలో ఎలాంటి పర్ఫార్మెన్స్ ఇస్తాడా అని అందరూ ఆతృతగా చూస్తున్నారు. ఈ సినిమాకు సామ్ సిఎస్ సంగీతం అందిస్తున్నాడు. కాగా, ఈ సినిమా మ్యూజిక్ జర్నీని స్టార్ట్ చేసేందుకు ‘క’ టీమ్ రెడీ అయ్యింది.
ఇందులో భాగంగా ‘వరల్డ్ ఆఫ్ వాసుదేవ్’ అనే ఫస్ట్ సింగిల్ సాంగ్‌ను ఆగస్టు 19న రిలీజ్ చేయబోతున్నట్లు చిత్ర యూనిట్ తెలిపింది. ఇక ఈ సాంగ్ ప్రోమోను ఆగస్టు 18న ఉదయం 10.05 గంటలకు రిలీజ్ చేయబోతున్నట్లు వారు తెలిపారు. ఈ సినిమాను సుజిత్ అండ్ సందీప్ డైరెక్ట్ చేస్తున్నారు.