నార్నే నితిన్, నయన్ సారిక ప్రధాన పాత్రల్లో నటించిన కామెడీ ఎంటర్టైనర్ ఆయ్. ఈ చిత్రం థియేటర్ల లో రిలీజ్ అయ్యి ప్రేక్షకులను బాగా ఆకట్టుకుంటుంది. బాక్సాఫీస్ వద్ద మంచి ఓపెనింగ్స్ ను సొంతం చేసుకుంది. ఈరోజు ఆదివారం కావడంతో వసూళ్లు మరింత పెరిగే అవకాశం ఉంది. ఈ చిత్రం సక్సెస్ ను సాధించడం పట్ల టీమ్ సంతోషం వ్యక్తం చేస్తోంది.
అయితే యంగ్ టైగర్, మ్యాన్ ఆఫ్ మాసెస్ ఎన్టీఆర్ ఆయ్ చిత్ర యూనిట్ ను అభినందించారు. ఇందుకు సంబంధించిన వీడియోలు, ఫోటోలు సోషల్ మీడియాలో వైరల్ అవుతున్నాయి. టీమ్ కు తన బెస్ట్ విషెస్ అందించి, కంగ్రాట్స్ తెలిపారు. అంజి కే. మణిపుత్ర దర్శకత్వంలో తెరకెక్కిన ఆయ్ చిత్రాన్ని GA2 పిక్చర్స్ పతాకంపై నిర్మించగా, రామ్ మిరియాల సంగీతం అందించారు. ఈ చిత్రం లాంగ్ రన్ లో మరింత వసూళ్లను రాబట్టే అవకాశాలు కనిపిస్తున్నాయి.