తెలుగు సినీ పరిశ్రమలో కంటెంట్ స్ట్రాంగ్ గా ఉంటే, బాక్సాఫీస్ వద్ద రన్ కూడా అదే రేంజ్ లో ఉంటుంది అని మరోసారి కమిటీ కుర్రోళ్ళు చిత్రంతో ఋజువైంది. మెగా డాటర్ నిహారిక కొణిదెల నిర్మించిన ఈ చిత్రం సెకండ్ వీక్ లోకి అడుగు పెట్టింది. ఈ చిత్రం సెకండ్ వీక్ లో కూడా బాక్సాఫీస్ వద్ద స్ట్రాంగ్ హోల్డ్ ను కనబరుస్తోంది. గడిచిన 24 గంటల్లో ప్రముఖ టికెటింగ్ యాప్ అయిన బుక్ మై షోలో 17 వేలకు పైగా టికెట్లు అమ్ముడు పోయాయి. ఇది సూపర్ రెస్పాన్స్ అని చెప్పాలి.
గతవారం రిలీజైన కొత్త చిత్రాలకు గట్టి పోటీ ఇస్తూ, ఈ రేంజ్ హోల్డ్ ను కనబరచడం గొప్ప విషయం. సందీప్ సరోజ్, యశ్వంత్ పెండ్యాల, ఈశ్వర్ రచిరాజు, ప్రసాద్ బెహరా తదితరులు కీలక పాత్రల్లో నటించిన ఈ చిత్రానికి యధు వంశీ దర్శకత్వం వహించారు. ఈ చిత్రానికి అనుదీప్ దేవ్ సంగీతాన్ని అందించాడు. ఈ చిత్రం లాంగ్ రన్ లో మరింత వసూళ్లను రాబట్టే అవకాశాలు కనిపిస్తున్నాయి.