సూపర్ స్టార్ రజనీకాంత్ వరుస సినిమాలతో బిజీగా ఉన్నాడు. ప్రస్తుతం టాలెంటెడ్ డైరెక్టర్ లోకేష్ కనగరాజ్ దర్శకత్వంలో కూలీ అనే యాక్షన్ ఎంటర్టైనర్ ను చేస్తున్నాడు. ఈ క్రేజీ కాంబినేషన్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. అయితే త్వరలో రిలీజ్ కి రెడీ అవుతున్న వేట్టైయాన్ మూవీ నుండి ఒక ఇంట్రెస్టింగ్ అప్డేట్ ను మేకర్స్ తాజాగా వెల్లడించారు. రేపు ఉదయం 10:00 గంటలకు సినిమా నుండి అప్డేట్ ఉండనుంది అని సరికొత్త పోస్టర్ ద్వారా వెల్లడించారు.
జ్ఞానవేల్ దర్శకత్వంలో తెరకెక్కుతున్న ఈ చిత్రం షూటింగ్ పార్ట్ ను పూర్తి చేసుకొని పోస్ట్ ప్రొడక్షన్ పనుల్లో బిజీగా ఉంది. అయితే మేకర్స్ రేపు రిలీజ్ డేట్ పై అప్డేట్ ఇచ్చే అవకాశం ఉన్నట్లు తెలుస్తోంది. బాలీవుడ్ మెగాస్టార్ అమితాబ్ బచ్చన్, రానా దగ్గుబాటి, ఫహద్ ఫాజిల్, మంజు వారియర్, దుషార విజయన్, రితికా సింగ్, రావు రమేష్‌ తదితరులు కీలక పాత్రల్లో కనిపించనున్న ఈ చిత్రాన్ని లైకా ప్రొడక్షన్స్ బ్యానర్‌పై సుభాస్కరన్ నిర్మించారు. రాక్ స్టార్ అనిరుధ్ రవిచందర్ సంగీతం అందిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.