కోలీవుడ్ స్టార్ యాక్టర్ విక్రమ్ ప్రధాన పాత్రలో నటించిన లేటెస్ట్ పిరియడ్ యాక్షన్ డ్రామా తంగలాన్. సంచలన దర్శకుడు పా. రంజిత్ దర్శకత్వంలో తెరకెక్కిన ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంటుంది. బాక్సాఫీస్ వద్ద ప్రపంచ వ్యాప్తంగా 3 రోజుల్లోనే 53.64 కోట్ల రూపాయల వసూళ్లను రాబట్టింది. ఇది సూపర్ రెస్పాన్స్ అని చెప్పాలి.
ఈ చిత్రం తెలుగు రాష్ట్రాల్లో కూడా మంచి హోల్డ్ ను కనబరుస్తోంది. సినిమా రిలీజ్ కి ముందు మంచి కంటెంట్ తో హైప్ ను సొంతం చేసుకుంది. అదే జోరును బాక్సాఫీస్ వద్ద చూపిస్తుంది. స్టూడియో గ్రీన్ పతాకంపై నిర్మించిన ఈ చిత్రానికి జీవి ప్రకాష్ కుమార్ సంగీతం అందించాడు. ఈ చిత్రం లాంగ్ రన్ లో మరింత వసూళ్లను రాబట్టే అవకాశాలు కనిపిస్తున్నాయి.