యంగ్ హీరో ఆకాశ్‌ జగన్నాథ్‌ తాజాగా సోషల్‌ మీడియా వేదికగా తన కొత్త సినిమా సంగతుల గురించి చెప్పారు. ఇంతకీ, ఆకాశ్‌ జగన్నాథ్‌ ఏం మాట్లాడారు అంటే.. ‘‘నువ్వేం సినిమాలు చేస్తున్నావ్‌ ?, ఎందుకు కొత్త చిత్రాలను ప్రకటించట్లేదు ? అని చాలా రోజుల నుంచి చాలామంది అడుగుతున్నారు. నీ కొత్త సినిమా కబురు విని రెండేళ్లు గడిచిందని నాన్నను ఇష్టపడేవారూ అంటున్నారు.
ఎందుకు ఖాళీగా ఉంటున్నావ్‌ ? అని అడిగారు. ఖాళీగా ఉండటం కాదు చాలా జాగ్రత్తగా ఉంటున్నా. ఈ గ్యాప్‌లో ఎన్నో స్టోరీలు విన్నా. ఎట్టకేలకు అద్భుతమైన దర్శకుడు, నిర్మాణ సంస్థను ఎంపిక చేసుకున్నా. ఈసారి మంచి విజయం అందుకోవాలని ఆకాంక్షిస్తున్నా. సోమవారం నా తదుపరి ప్రాజెక్టు ప్రారంభం కానుంది. మంచి అప్‌డేట్‌ కూడా రానుంది. మీరంతా నాకు సపోర్ట్‌ చేయాలి’’ అని ఆకాశ్‌ జగన్నాథ్‌ ప్రేక్షకులను కోరాడు. ఇంతకీ ఆకాశ్‌ జగన్నాథ్‌ ని డైరెక్ట్ చేయబోతున్న ఆ దర్శకుడు ఎవరో చూడాలి.