తమిళ సూపర్ స్టార్ రజినీకాంత్ నటిస్తున్న తాజా చిత్రం ‘వెట్టైయన్’ మరోసారి అభిమానులకు గుడ్ న్యూస్ అందించింది. ఈ సినిమా కోసం అభిమానులు ఎంతో ఆసక్తిగా ఎదురుచూస్తున్న సంగతి తెలిసిందే. అయితే, ఈ సినిమా ఇప్పుడు రిలీజ్ డేట్‌ను లాక్ చేసుకుంది. ఈ చిత్రాన్ని దసరా కానుకగా అక్టోబర్ 10న ప్రేక్షకుల ముందుకు తీసుకొచ్చేందుకు మేకర్స్ రెడీ అవుతున్నారు.
దర్శకుడు టీజే.జ్ఞానవేల్ డైరెక్ట్ చేస్తున్న ఈ భారీ యాక్షన్ ఎంటర్‌టైనర్ మూవీలో బిగ్ బి అమితాబ్ బచ్చన్ ఓ కీలక పాత్రలో నటిస్తున్నారు. ఇక ఈ సినిమా నుంచి తాజాగా రిలీజ్ డేట్‌ను అనౌన్స్ చేస్తూ ఓ సరికొత్త పోస్టర్‌ను మేకర్స్ రివీల్ చేశారు. పవర్‌ఫుల్ పోలీస్ ఆఫీసర్ పాత్రలో రజినీ మరోసారి అభిమానులను థ్రిల్ చేసేందుకు రెడీ అయ్యాడు.
ఈ సినిమాలో మళయాల నటుడు ఫహాద్ ఫాజిల్, రానా దగ్గుబాటి, మంజూ వారియర్, దుషార విజయన్, రితికా సింగ్ తదితరులు ఇతర ముఖ్య పాత్రల్లో నటిస్తున్నారు. లైకా ప్రొడక్షన్స్ బ్యానర్‌పై సుభాస్కరన్ ప్రొడ్యూస్ చేస్తున్న ఈ చిత్రానికి అనిరుధ్ రవిచందర్ సంగీతం అందిస్తున్నాడు.
Target locked ???? VETTAIYAN ????️ is set to hunt in cinemas worldwide from OCTOBER 10th, 2024! ????️ Superstar ???? as Supercop! ????
Releasing in Tamil, Telugu, Hindi & Kannada!#Vettaiyan ????️ @rajinikanth @SrBachchan @tjgnan @anirudhofficial @LycaProductions #Subaskaran @gkmtamilkumaran… pic.twitter.com/WJi2ZvpX8Z
— Lyca Productions (@LycaProductions) August 19, 2024