నటుడు సుహాస్ ప్రస్తుతం హీరోగా పలు సినిమాల్లో నటిస్తూ బిజీగా ఉన్నాడు. ఆయన నటిస్తున్న కంప్లీట్ ఫ్యామిలీ ఎంటర్‌టైనర్ మూవీ ‘జనక అయితే గనక’ ఇప్పటికే షూటింగ్ ముగించుకుని రిలీజ్‌కి రెడీ అయ్యింది. ఈ సినిమా నుంచి నేడు ఓ లిరికల్ సాంగ్ కూడా రిలీజ్ చేశారు మేకర్స్. అయితే, ఇవాళ సుహాస్ పుట్టినరోజు సందర్భంగా ఈ చిత్ర రిలీజ్ డేట్‌ను కూడా వారు లాక్ చేశారు.
ఈ చిత్రాన్ని సెప్టెంబర్ 7న రిలీజ్ చేయబోతున్నట్లు చిత్ర యూనిట్ తాజాగా ఓ పోస్టర్‌తో అనౌన్స్ చేశారు. అయితే, ఆ రోజున మలయాళ నటుడు దుల్కర్ సల్మాన్ నటించిన ‘లక్కీ భాస్కర్’ మూవీ రిలీజ్ అవ్వాల్సి ఉండగా, అది వాయిదా పడినట్లు వార్తలు వచ్చాయి. కానీ, ఇప్పుడు సుహాస్ మూవీ అదే రోజు రిలీజ్ అవుతుండటంతో ఈ వార్తలు నిజమేనని సినీ వర్గాల్లో టాక్ వినిపిస్తోంది.
ఇక ఈ సినిమాలో సంగీర్తన హీరోయిన్‌గా నటించగా సందీప్ రెడ్డి బండ్ల డైరెక్ట్ చేశారు. విజయ్ బుల్గనిన్ సంగీతం అందించిన ఈ సినిమాలో రాజేంద్ర ప్రసాద్, మురళీ శర్మ, వెన్నెల కిషోర్ తదితరులు ఇతర ముఖ్య పాత్రల్లో నటించారు.