సక్సెస్‌ఫుల్ చిత్రాల దర్శకుడు హరీష్ శంకర్ రీసెంట్‌గా మాస్ రాజా రవితేజతో కలిసి ‘మిస్టర్ బచ్చన్’ అనే సినిమాతో ప్రేక్షకుల ముందుకు వచ్చాడు. ఈ సినిమాకు బాక్సాఫీస్ దగ్గర మిక్సిడ్ టాక్ రాగా, ప్రస్తుతం థియేటర్లలో సందడి చేస్తోంది. ఇక ఈ సినిమాను మరింతగా ప్రమోట్ చేసేందుకు చిత్ర యూనిట్ వరుసగా ప్రమోషన్స్ చేస్తుంది. ఈ క్రమంలోనే తాజాగా అభిమానులతో దర్శకుడు హరీష్ శంకర్ ముచ్చటించారు.
ఇందులో భాగంగా ఓ అభిమాని జూనియర్ ఎన్టీఆర్‌తో హరీష్ శంకర్ సినిమా చేసే అవకాశం ఉందా అని అడిగారు. దీనికి ఆయన చాలా ఇంట్రెస్టింగ్ ఆన్సర్ ఇచ్చారు. గతంలో ఎన్టీఆర్‌తో ‘రామయ్య వస్తావయ్య’ చిత్రాన్ని తీశానని.. అయితే ఇప్పుడు పరిస్థితులు మారాయని.. ఎన్టీఆర్‌తో ఇప్పుడు సినిమా చేయడం కష్టమని.. ఆయన లైనప్ గురించి తనకు తెలుసని హరీష్ అన్నారు.
కాగా, యంగ్ అండ్ ఎనర్జిటిక్ హీరో రామ్ పోతినేనితో హరీష్ శంకర్ ఓ సినిమా చేయనున్న సంగతి తెలిసిందే. ఈ సినిమాకు సంబంధించిన పూర్తి వివరాలను త్వరలోనే వెల్లడిస్తామని ఆయన చెప్పుకొచ్చారు.