నటుడు రావు రమేష్ నటించిన తాజా చిత్రం ‘మారుతీ నగర్ సుబ్రమణ్యం’ ఆగస్టు 23న రిలీజ్‌కి రెడీ అయ్యింది. ఈ సినిమా పోస్టర్స్, టీజర్, ట్రైలర్లు ప్రేక్షకుల్లో మంచి బజ్‌ను క్రియేట్ చేశాయి. ఇక ఈ సినిమా రిలీజ్ దగ్గర పడుతుండటంతో ఈ చిత్ర ప్రీ-రిలీజ్ ఈవెంట్‌ను నిర్వహించేందుకు మేకర్స్ సిద్ధమయ్యారు. తాజాగా ఈ ప్రీ-రిలీజ్ ఈవెంట్ డిటెయిల్స్‌ను వారు అనౌన్స్ చేశారు.
ఆగస్టు 21న జరగబోయే ఈ బిగ్గెస్ట్ ప్రీ-రిలీజ్ ఈవెంట్‌కి అందరినీ సర్‌ప్రైజ్ చేస్తూ చీఫ్ గెస్ట్‌గా ఐకాన్ స్టార్ అల్లు అర్జున్ వస్తున్నట్లు చిత్ర యూనిట్ ప్రకటించారు. దీంతో అభిమానులు థ్రిల్ అవుతున్నారు. అల్లు అర్జున్ ఈ సినిమాను ప్రమోట్ చేస్తున్నారంటే ఖచ్చితంగా ఈ మూవీలో ఏదో విషయం ఉంటుందని వారు ఫిక్స్ అవుతున్నారు. ఇక ఈ సినిమాను లక్ష్మణ్ కార్య డైరెక్ట్ చేశారు.
ఈ సినిమాలో ఇంద్రజ, అంకిత్ కొయ్య, రమ్య పసుపులేటి ఇతర ముఖ్య పాత్రల్లో నటించారు. ఈ సినిమాకు కళ్యాణ్ నాయక్ సంగీతం అందిస్తుండగా, తబిత సుకుమార్ ఈ చిత్రాన్ని ప్రొడ్యూస్ చేస్తున్నారు.