మెగాస్టార్ చిరంజీవి హీరోగా యంగ్ దర్శకుడు వశిష్ట ‘విశ్వంభర’ అనే చిత్రాన్ని తెరకెక్కిస్తున్నారు. త్రిష కృష్ణన్ హీరోయిన్ గా, ఆశికా రంగనాథ్ మరో హీరోయిన్ గా నటిస్తున్న ఈ భారీ ఫాంటసీ చిత్రానికి సంబంధించి ఇప్పుడు ఓ అప్ డేట్ వినిపిస్తోంది. వచ్చే షెడ్యూల్ లో ఈ సినిమాలోని టైటిల్ సాంగ్ షూటింగ్ ను టీమ్ ప్లాన్ చేస్తున్నట్లు తెలుస్తోంది. ఈ సాంగ్ కోసం హైదరాబాద్ శివార్లలో ఓ సెట్ ను కూడా వేసినట్లు తెలుస్తోంది. అన్నట్టు, ఈ సాంగ్ లో మెగాస్టార్ మ్యూజికల్ స్టెప్స్ తో పాటు ‘చిరు – త్రిష’ల లవ్ జర్నీని కూడా పూర్తిగా ఎస్టాబ్లిష్ చేస్తారట.
కాగా ఈ చిత్రం జనవరి 10, 2025న విడుదల కాబోతుంది. అన్నట్టు ‘జగదేకవీరుడు అతిలోకసుందరి’ సినిమాలోని వినోదం, ‘హిట్లర్’ లోని సెంటిమెంట్ ఈ సోషియో ఫాంటసీ సినిమాలో కనిపిస్తాయని తెలుస్తోంది. అన్నట్టు సృష్టి, స్థితి, లయ ఈ మూడింటి నేపథ్యంలో ఈ కథ సాగుతుందట. ఈ భారీ చిత్రానికి ఆస్కార్ విన్నర్ కీరవాణి సంగీతం అందిస్తుండగా యూవీ క్రియేషన్స్ వారు భారీ బడ్జెట్ తో నిర్మాణం వహిస్తున్నారు. ఈ సినిమా అప్ డేట్స్ కోసం ఫ్యాన్స్ చాలా ఎగ్జైటెడ్ గా ఎదురు చూస్తున్నారు.