టాలీవుడ్ హీరో వరుణ్ సందేశ్ రీసెంట్‌గా వరుస సినిమాలతో ప్రేక్షకుల ముందుకు వచ్చాడు. ఆయన నటించిన ‘విరాజి’ ఆగస్టు 2న ప్రేక్షకుల ముందుకు వచ్చింది. ఈ సినిమాలో వరుణ్ సందేశ్ లుక్స్ సరికొత్తగా ఉండటంతో ఈ సినిమాపై ప్రేక్షకుల్లో బజ్ క్రియేట్ అయ్యింది. అయితే, సినిమా రిలీజ్ తరువాత థియేటర్లలో అనుకున్న స్థాయిలో రెస్పాన్స్ లేకపోవడంతో ఈ సినిమా యావరేజ్‌గా నిలిచింది.
ఇక ఇప్పుడు ఈ సినిమా ఓటీటీ స్ట్రీమింగ్‌కి రెడీ అయ్యింది. ప్రముఖ ఓటీటీ ప్లాట్‌ఫామ్ ఆహాలో విరాజి చిత్రం స్ట్రీమింగ్ కానున్నట్లు మేకర్స్ తాజాగా వెల్లడించారు. ఆగస్టు 22న ఈ సినిమా ఆహాలో స్ట్రీమింగ్‌కి రానుంది. దీంతో థియేటర్లలో రిలీజ్ అయిన 20 రోజుల్లోనే ఈ మూవీ ఓటీటీలో ప్రత్యక్షం కానుంది.
ఆద్యాంత్ హర్ష డైరెక్ట్ చేసిన ఈ సినిమాలో వరుణ్ సందేశ్ రెండు వైవిధ్యమైన లుక్స్‌తో కనిపించాడు. ఈ సినిమాలో రఘు కారుమంచి, ప్రమోదిని, బలగం జయరామ్, వైవా రాఘవ, రవితేజ నన్నిమాల, కాకినాడ నాని, ఫణి ఆచార్య, అపర్ణాదేవి తదితరులు ఇతర ముఖ్య పాత్రల్లో నటించారు. మరి ఈ సినిమాకు ఓటీటీలో ఎలాంటి రెస్పాన్స్ దక్కించుకుంటుందా అనేది చూడాలి.