లేటెస్ట్ గా బాలీవుడ్ సినిమా దగ్గర భారీ సినిమా అంచనాలు నడుమ రిలీజ్ కి వచ్చిన చిత్రం “స్త్రీ 2”. టాప్ హీరోయిన్ శ్రద్ధా కపూర్ లీడ్ లో టాలెంటెడ్ నటుడు రాజ్ కుమార్ రావు నటించిన ఈ చిత్రాన్ని దర్శకుడు అమర్ కౌశిక్ తెరకెక్కించిన ఈ చిత్రం 2018 లో వచ్చిన స్త్రీకి సీక్వెల్ గా వచ్చి రికార్డు వసూళ్లు కొల్లగొడుతుంది. బాలీవుడ్ మార్కెట్ లో మొదటి రోజే 55 కోట్లకి పైగా నెట్ వసూళ్లు అందుకున్న ఈ చిత్రం ఇప్పుడు 5 రోజుల రన్ ని కంప్లీట్ చేసుకుంది.
మరి నిన్న సోమవారం కూడా సాలిడ్ నంబర్స్ ని ఈ చిత్రం నమోదు చేసినట్టుగా బాలీవుడ్ ట్రేడ్ చెబుతున్నారు. మరి సోమవారం ఒక్కరోజే ఈ చిత్రం 38.4 కోట్లకి పైగా నెట్ వసూళ్లు అందుకున్న ఈ చిత్రం మొత్తం ఐదు రోజుల్లో ఏకంగా 242 కోట్లకి పైగా నెట్ వసూళ్లు అందుకుంది. దీనితో ఈ చిత్రం హిండిలో ఎంత పెద్ద హిట్ అనేది అర్ధం చేసుకోవచ్చు. అలాగే ఈ చిత్రానికి హైదరాబాద్ లో కూడా స్ట్రాంగ్ వసూళ్లు నమోదు అవుతుండడం విశేషం. ఇలా ఈ చిత్రం లాంగ్ రన్ లో ఈజీగా 400 కోట్ల మార్క్ ని టచ్ చేసి 500 కోట్ల మార్క్ ని దాటినా ఆశ్చర్యం లేదని చెప్పొచు.