ప్రముఖ వెర్సటైల్ యాక్టర్ రావు రమేష్ లీడ్ రోల్‌లో నటిస్తున్న చిత్రం ‘మారుతీనగర్ సుబ్రమణ్యం’ ఆగస్టు 23న రిలీజ్‌కి రెడీ అయ్యింది. ఈ సినిమాను అన్ని వర్గాల ప్రేక్షకులు మెచ్చే కంటెంట్‌తో తీసుకొస్తున్నట్లు చిత్ర యూనిట్ ధీమా వ్యక్తం చేస్తుంది. ఇప్పటికే ఈ చిత్ర ప్రమోషన్స్‌తో యూనిట్ బిజీగా ఉన్నారు. ఇక ఈ సినిమా ప్రీ-రిలీజ్ ఈవెంట్‌కి ఐకాన్ స్టార్ అల్లు అర్జున్ వస్తుండటంతో ఈ మూవీపై ప్రేక్షకుల్లో ఆసక్తి నెలకొంది.
ఇక ఈ సినిమాను ఒకరోజు ముందుగానే ప్రేక్షకులకు అందిస్తున్నట్లు చిత్ర యూనిట్ తాజాగా వెల్లడించింది. ఈ మూవీ స్పెషల్ ప్రీమియర్ షోకి సంబంధించిన డేట్ అండ్ ప్లేస్‌ను అనౌన్స్ చేశారు. ఆగస్టు 22న రాత్రి 7 గంటలకు హైదరాబాద్‌లోని బాలానగర్‌లో కొత్తగా రినోవేట్ అయిన విమల్ 70ఎంఎం థియేటర్‌లో ఈ మూవీ ప్రీమియర్ వేస్తున్నట్లు ప్రకటించారు.
దీంతో ఈ సినిమాను చూసేందుకు ప్రేక్షకులు ఆసక్తిని చూపుతున్నారు. ఇక ఈ సినిమాను లక్ష్మణ్ కార్య డైరెక్ట్ చేస్తుండగా, ఇంద్రజ, అంకిత్ కొయ్య, రమ్య పసుపులేటి ఇతర ముఖ్య పాత్రల్లో నటించారు.