మెగాస్టార్ చిరంజీవి ప్రధాన పాత్రలో, దర్శకుడు వశిష్ఠ దర్శకత్వంలో తెరకెక్కుతున్న ఫాంటసీ డ్రామా విశ్వంభర. ఈ చిత్రంలో త్రిష కృష్ణన్ హీరోయిన్ గా నటిస్తుండగా, మీనాక్షి చౌదరి, అషికా రంగనాథ్ లు కీలక పాత్రల్లో కనిపించనున్నారు. నేడు మెగాస్టార్ చిరంజీవి పుట్టిన రోజు శుభాకాంక్షలు సాలిడ్ పోస్టర్ ను విడుదల చేసారు మేకర్స్.
చేతిలో శూలం పట్టుకొని ఉన్న మెగాస్టార్ చిరంజీవి పోస్టర్ చాలా పవర్ ఫుల్ గా ఉంది. పోస్టర్ ను చూస్తుంటే, సినిమా విజువల్ వండర్ గా ఉండనుంది అని తెలుస్తుంది. ఈరోజు ఉదయం 10:08 గంటలకి మరో ట్రీట్ రానున్నట్లు మేకర్స్ వెల్లడించారు. చిన్నపాటి వీడియో బైట్ లేదా మరో పోస్టర్ రిలీజ్ అయ్యే అవకాశాలు కనిపిస్తున్నాయి. యూవీ క్రియేషన్స్ పతాకంపై నిర్మిస్తున్న ఈ చిత్రానికి ఆస్కార్ అవార్డు విన్నర్ ఎంఎం కీరవాణి సంగీతం అందిస్తున్నాడు. జనవరి 10, 2025 న వరల్డ్ వైడ్ గా థియేటర్లలోకి రాబోతున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.