మెగాస్టార్ చిరంజీవి పుట్టిన రోజు సందర్భంగా థియేటర్లలోకి మళ్ళీ వచ్చిన బ్లాక్ బస్టర్ మూవీ ఇంద్ర. మెగాస్టార్ చిరంజీవి పుట్టిన రోజును ఈ చిత్రంతో చాలా గ్రాండ్ గా సెలబ్రేట్ చేసుకున్నారు అభిమానులు. ఈ చిత్రం వరల్డ్ వైడ్ గా డే 1 సూపర్ రెస్పాన్స్ ను సొంతం చేసుకుంది. డే 1 3.05 కోట్ల రూపాయల వసూళ్లను రాబట్టింది. ఇది సెన్సేషన్ రెస్పాన్స్ అని చెప్పాలి.
ఈ చిత్రాన్ని నిర్మించిన వైజయంతి మూవీస్ వారు మొదటి రోజు రీ రిలీజ్ వసూళ్లను పోస్టర్ ద్వారా వెల్లడించారు. బీ. గోపాల్ దర్శకత్వంలో తెరకెక్కిన ఈ చిత్రంలో ఆర్తీ అగర్వాల్, సోనాలి బింద్రే కథానాయికలుగా నటించారు. మెలోడీ బ్రహ్మ మణిశర్మ ఈ చిత్రానికి అధ్బుతమైన సంగీతం అందించాడు. మెగాస్టార్ చిరంజీవి మూవీ ఇంద్ర, రీ రిలీజ్ లో కూడా ఈ తరహా వసూళ్లను రాబట్టడం పట్ల అభిమానులు సంతోషం వ్యక్తం చేస్తున్నారు.