సూపర్ స్టార్ మహేష్ బాబు హీరోగా నటించిన యాక్షన్ ఎంటర్టైనర్ గుంటూరు కారం థియేటర్ల లో రిలీజ్ అయ్యి ప్రేక్షకులను, అభిమానులని బాగా ఆకట్టుకుంది. బాక్సాఫీస్ వద్ద భారీ వసూళ్లను రాబట్టిన ఈ చిత్రం, ఇటీవల తమిళ్ వెర్షన్ వరల్డ్ టెలివిజన్ ప్రీమియర్ గా సన్ టీవీలో ప్రసారం అయ్యింది. ఈ చిత్రం ఉదయం పూట ప్రసారం కాగా, తాజాగా అందుకు సంబంధించిన టీఆర్పీ రేటింగ్ వెలువడింది.
ఈ చిత్రానికి 4.50 టీఆర్పీ రేటింగ్ వచ్చింది. తమిళ్ వెర్షన్ కి ఈ రేంజ్ రేటింగ్ అంటే, డీసెంట్ రెస్పాన్స్ అని చెప్పాలి. యంగ్ బ్యూటీ శ్రీ లీల హీరోయిన్ గా నటించిన ఈ చిత్రంలో మీనాక్షి చౌదరి, రమ్య కృష్ణ, ప్రకాష్ రాజ్, జగపతి బాబు, అజయ్ ఘోష్ తదితరులు కీలక పాత్రల్లో నటించారు. త్రివిక్రమ్ శ్రీనివాస్ దర్శకత్వంలో తెరకెక్కిన ఈ చిత్రానికి మ్యూజికల్ సెన్సేషన్ థమన్ సంగీతం అందించాడు.