తమిళ సూపర్ స్టార్ రజినీకాంత్ ప్రస్తుతం వరుసబెట్టి సినిమాలు చేస్తూ బిజీగా ఉన్నాడు. ఇప్పటికే ‘వెట్టైయాన్’ చిత్రాన్ని రిలీజ్‌కి రెడీ చేసిన రజినీ, దర్శకుడు లోకేశ్ కనగరాజ్ డైరెక్షన్‌లో ‘కూలీ’ అనే సినిమాను కూడా తెరకెక్కిస్తున్నాడు. ఇక ఈ సినిమా షూటింగ్ ప్రస్తుతం వైజాగ్‌లో జరుగుతోంది. ఈ చిత్ర షూటింగ్ కోసం రజినీకాంత్ వైజాగ్ చేరుకున్నాడు.
అయితే, ఆయన వైజాగ్‌కు రావడంతో టాలీవుడ్ దర్శకుడు శివ నిర్వాణ ఆయన్ను అనుకోకుండా కలిశారు. దీంతో శివ నిర్వాణ ఆనందానికి అవధులు లేకుండా పోయాయి. తమ అభిమాన సూపర్ స్టార్ కళ్ల ముందర కనిపించడంతో ఒక్కసారిగా ఫోన్ కెమెరాకు పని చెప్పారు. ఇక ఈ ఫోటోను తన ఇన్‌స్టాలో పోస్ట్ చేశాడు ఈ డైరెక్టర్.
దీంతో ఆయన అభిమానులు రజినీకాంత్‌తో సినిమా ఎప్పుడు చేస్తున్నారు అంటూ సోషల్ మీడియాలో ప్రశ్నల వర్షం కురిపిస్తున్నారు. ప్రస్తుతం ఈ ఫోటో నెట్టింట వైరల్‌గా మారింది.