అందరూ ఎంతో ఆసక్తిగా ఎదురుచూస్తున్న సరిపోదా శనివారం చిత్రం మరో రెండు రోజుల్లో థియేటర్లలోకి రానుంది. నాని హీరోగా నటించిన ఈ క్రేజీ ప్రాజెక్ట్ లో విలక్షణ నటుడు ఎస్.జే. సూర్య విలన్ పాత్రలో కనిపించనున్నాడు. వివేక్ ఆత్రేయ దర్శకత్వంలో తెరకెక్కిన ఈ చిత్రంలో ప్రియాంక మోహన్ హీరోయిన్ గా నటించగా, జేక్స్ బెజోయ్ సంగీతాన్ని అందించాడు. ఈ చిత్రం రిలీజ్ కి దగ్గర పడుతుండటంతో టీమ్ ఇంటర్వ్యూలను ఇస్తూ, బాగా ప్రమోట్ చేస్తోంది.
హీరో నాని, ఎస్.జే. సూర్య పై పలు ఆసక్తికర వ్యాఖ్యలు చేశాడు. విలన్ పాత్రకు ఎస్.జే. సూర్య గారు యాప్ట్ అని తెలిపాడు. ఈ చిత్రానికి 7 రోజుల్లో డబ్బింగ్ ను పూర్తి చేశాడు అని, ఆయన డబ్బింగ్ కోసమే రెండో సారి సినిమా చూస్తారు అంటూ చెప్పుకొచ్చాడు. ఈ కామెంట్స్ సోషల్ మీడియాలో వైరల్ గా మారాయి.