టాలీవుడ్ పవర్ స్టార్ అలాగే ఏపీ ఉప ముఖ్యమంత్రి కూడా అయినటువంటి పవన్ కళ్యాణ్ మళ్ళీ షూటింగ్ లు ఎప్పుడు నుంచి మొదలు పెడతారా అని అభిమానులు ఎప్పుడు నుంచో చాలా ఆసక్తిగా ఎదురు చూస్తున్నారు. అయితే ఇప్పుడు పవన్ చేస్తున్న సినిమాల్లో “ఓజి”, “హరిహర వీరమల్లు” రెండు సినిమాలు కూడా అతి తక్కువ రోజుల షూటింగ్ బ్యాలన్స్ ఉంచుకొని పవన్ ఎప్పుడు రెడీ అయితే అప్పుడు నుంచే షూటింగ్ కి రెడీ అన్నట్టు ఉన్నాయి.
అయితే ఈ సినిమాల షూటింగ్ లో పవన్ ఈ అక్టోబర్ నుంచి జాయిన్ కావచ్చని టాక్ వచ్చింది. కానీ లేటెస్ట్ అప్డేట్ ఏమిటంటే పవన్ అంతకన్నా ముందే జాయిన్ అయ్యిపోతారని ఇప్పుడు వినికిడి. ఈ రానున్న సెప్టెంబర్ నుంచి ఓజి అలాగే వీరమల్లు రెండు సినిమాలు కూడా ఏపీ లోనే సెట్టింగ్స్ నడుమ చిత్రీకరణ మొదలు కానున్నాయని తెలుస్తుంది. మరి దీనిపై అధికారిక క్లారిటీ ఇంకా రావాల్సి ఉంది. ఇక ఈ చిత్రాల్లో వీరమల్లు కి జ్యోతి కృష్ణ దర్శకత్వం వహిస్తుండగా ఓజి కి సుజీత్ దర్శకత్వం వహిస్తున్నాడు. వీటిలో హరిహర వీరమల్లు ఈ ఏడాదిలో రిలీజ్ కి రాబోతుంది.