రెబల్ స్టార్ ప్రభాస్ వరుస పాన్ ఇండియా చిత్రాలతో బిజీగా ఉన్నాడు. ఈ ఏడాది కల్కి 2898ఏడి చిత్రంతో బ్లాక్ బస్టర్ హిట్ సాధించాడు. అదే స్పీడ్ తో తన చిత్రాలను చేస్తున్నారు ప్రభాస్. ప్రస్తుతం దర్శకుడు మారుతి దర్శకత్వంలో తెరకెక్కుతున్న ది రాజా సాబ్ చిత్రంలో నటిస్తున్నాడు. ఈ చిత్రం వచ్చే ఏడాది ఏప్రిల్ 10 వ తేదీన వరల్డ్ వైడ్ గా థియేటర్లలోకి రానుంది.
ఈ చిత్రానికి సంబంధించిన షూటింగ్ శరవేగంగా జరుగుతోంది. అయితే ఈ కీలక షెడ్యూల్ లో ప్రభాస్ తన పార్ట్ ను పూర్తి చేసినట్లు తెలుస్తోంది. మిగతా కీలక సన్నివేశాల చిత్రీకరణ కోసం ఇతర నటీనటులు పాల్గొంటున్నారు. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్, వివేక్ కూచిబొట్ల, SKN నిర్మిస్తున్న ఈ రొమాంటిక్ హార్రర్ కామెడీ డ్రామాకి మ్యూజికల్ సెన్సేషన్ థమన్ సంగీతం అందిస్తున్నాడు. నిధి అగర్వాల్, మాళవిక మోహనన్ హీరోయిన్స్ గా నటిస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
That doesn't mean schedule wrapped ani kadha 🙂 🙂
— SKN (Sreenivasa Kumar) (@SKNonline) August 27, 2024